2665/2024-2025

2024 Khuangchawi thla ni 23: Kumina hunpui lo thleng tur Krismas leh Kumthar vuakveta Lunglei khawpuia mipuite chak lakna tur leh mamawh zawrhna hmun tur siam chungchang ngaihtuahin Lunglei Municipal Council (LMC) hotute leh a kaihhnawih sawrkar official-te leh local council hrang hrang ai awhte chu vawiin khan BoC Hall, Convention Centre, Lungleiah an ṭhu khawm.

He hun hi LMC Chairman Pu Lalzuithanga'n a kaihruai a. Kum danga Krismas bazar-na hmun ruahman dan leh a ṭhatna lai leh ṭhat lohnate sawi ho hmasak a ni a. Super Market sak mek a nih avanga harsatna awm leh a chhawktu tur hmun remchang hrang hrang rawtna te tar lan a ni bawk a. Faina kawnga LMC Ward hrang hrang inelna kalpui a nih bakah, khawpui chei mawi hna thawh leh thianghlimna uar zawka kalpui a nih avang tein kumin Krismas bazar hmun a hrana siam chu LMC huam chhungah chuan tih loh mai ni se, tih a ni a. Hemi chungchang thuchhuah leh ṭul dangte bawhzui turin LMC lamin hma lo la se, tih a ni.

Attachment

  • Loading attachment...