2666/2024-2025

23^rd October, 2024 : Land Revenue and Settlement Minister Pu B.Lalchhanzova chuan Karnataka sawrkar hnuaia Revenue Department kalphung zirchiang turin nimin khan Bengaluru a thleng thla a. Pu B.Lalchhanzova chuan October ni 23 hian  Karnataka Revenue Minister Pu  Krishna Byre Gowda chu a pisa, Vikasa Soudha-ah hmu in State pahnih te in laichinna ti chak tura thawhpuiah sawmin, Karnataka ah a bikin Bengaluru khawpui ah Mizo thahnem tak an awm ve thu leh a tul anga an thlavang lo hauh thin turin a chah a ni.

Revenue Minister Pu Chhanzova hian an sawrkar tirh atanga an lo ruahman tawh tih hlawhtlin ani chu a lawmthu sawiin, Karnataka state chu India ram state zinga land revenue administration nei tha leh technology thar hmang tangkai ber te zing ami anih anga tlawh annih thu a sawi.

Minister leh official te hi Pu Rajendra Kumar Kataria, Principal Secretary, Sunil Kumar P, Revenue Commissioner leh Pu J. Manjunath, Commissioner Survey Settlement & Land Records Department  ten lo dawng sawng in  October  ni 23 atanga 26 chhungin Karnataka sawrkar hnuaia Revenue department kalphung leh tih dan tha hrang hrang te lo zirpuiin field visit te an neih pui dawn a ni.

Revenue Minister Pu B.Lalchhanzova chuan Mizoram Land Revenue department a thawktuten theih tawp chhuah thin mahse kan set up leh kalphung a fuh tawk lo lai te siamthat zel a tul thu sawiin India rama helama a hmahruaitu Karnataka State tlawh a pawimawh thu sawiin Mizoram atanga kal ten thil tha tam tak an zir chhuah theih a beisei thu a sawi ani.

Minister hi Land Revenue & Settlement Secretary Pu Vanlalmawia leh official engemaw zatin an tawiawm ani.