826/2022-2023
Lunglei the 8th, June' 2022 : Vawiin khan Convention Centre, Lungleiah India zalenna kum 75 na lawmna Azadi Ka Amrit Mahotsav pualin Iconic Week (6th - 12th, June, 2022) hman a ni. Lunglei Bawrhsap Pu Kulothungan A, IAS chuan khuallian niin a hmanpui.

Iconic Week hmanna hun hi Pi Lalremsangi, Chief Manager, Lead Bank Office, Lunglei in kaihhruaiin Pu Kulothungan A chuan Azadi Ka Amrit Mahotsav Puala Iconic Week hman anih avanging Bank hrang hrang leh Customer te chungah lawmthu a sawi a. Sorkar laipuiin mipui tana scheme a siam te chu loan hmanga a hlawhtlinna awmthei turin mipuite dilna hnawl lo turin bank te a chah a, sorkarin mipuite hamthatna atana social security scheme a duante chawi lar tur leh hmang tangkai turin mipuite a sawm a, Bank dawrtu te chu saving uar turin a duh a. Atal Pernsion Yojana (APY), Pradhan Mantri Jeevan Jyoti Bima Yojana (PMJJBY) leh Pradhan Mantri Suraksha Bima Yojana (PMSBY) ah te inziaklut tam turin kalkhawmte a chah bawk a ni.

Iconic Week ah hian Pu David Rodingliana, Asst. Manager, SBI Lunglei Branch in loan chi hrang hrang, Dr. Kawlthanmawia, Branch Manager, Mizoram Cooperative Apex Bank in Deposit chi hrang hrang, Pu Lawmkima, Senior Assistant, SBI Lunglei Branch in Digital Banking leh Cyber Crime, Pu Jimmy Lalawmpuia, Branch Manager, MRB Lunglei Branch in Social Security Scheme leh Lead District Manager in BC/CSP chuangchang sawina an nei a ni.

Iconic Week lawmna ah hian Bank hrang hrang hnathawk tha te hnenah chawimawina hlanna neiin Bank hrang hrang atanga loan diltu mi 85 MRB atangin mi 30, MCAB atangin mi 15, SBI atangin mi 37 leh North East Small Finance Bank (NESFB) atang in mi 3 te hnenah sanction letter hlanna neih a ni a. Zawhna leh chhanna hun hman a ni bawk.