935/2022-2023
Lunglei the 17th, June' 2022 : Vawiin khan Lunglei Bawrhsap Pu Kulothungan A, IAS kaihhruaiin ama office chamberah Intensified Diarrhoea Control Fortnight (IDCF) 2022 Steering Committee neih a ni. Committee ah hian Medical Department leh line Department hrang hrangte an tel a ni.

Dr. Lalrinthangi, SMO, Lunglei chuan India ramah kumtin naupang kum 5 hnuai lamah mi singruk velin kawthalo avangin an thih phah thin a ni a ti a. Hemi anih avang hian Ministry of Health & Family Welfare, Govt. of India kaihhruaina hnuaiah Intensified Diarrhoea Control Fortnight chu kum 2014 atang khan kumtin ram pumah hman a lo ni thin a, kuminah pawh 23th June - 7th July, 2022 chhung hian IDCF hi hman leh tur a ni. Lunglei District chhunga SDC/CHC/PHC/MC ah naupang kum 5 hnuailam target 14655 te hnenah ORS packet 60000 leh Zinc tablet mum 70000 pek tura ruahman a nih thu a sawi a. IDCF chhung hian ASHA ten an bial theuh ah home visit an nei ang a, naupang kum 5 hnuailam awmna in ah naupang pakhat tan ORS packet khat zel an sem ang a, ORS siamdan leh kawthalo chungchang zirtirna an pe bawk ang. IDCF chhung hian SDH/CHC/PHC/SC leh Aganwadi Centre ah ORS-Zinc corner siam theuh tura tih an ni. Lunglei District chhunga Primary leh Middle School zawng zawngah kut silfai dan, kawthalo leh enkawl dan zirtirna leh entirna neih tur tih a ni bawk.

Lungleiah chuan Lunglei Bawrhsap hovin IDCF hawnna hi 23th June, 2022 ah hman tura tih a ni.