417/2022-2023
Lunglei the 6th, May' 2022: Vawiin chawhma khan Lunglei Bawrhsap Pu Kulothungan A kaihhruaiin DC's Conference Hall ah Lunglei District a Jal Shakti Abhiyan : Catch The Rain 2002 (Ruahtui Khawl) hmalak dan tur ngaihtuahin meeting neih a ni.

Pu Kulothungan A chuan Jal Shakti Abhiyan hi Ministry of Jal Shakti in kum 2019 atangin a lo kalpui tawh a, India ram puma tui humhalh leh hlutna campaign kalpui anih thu a sawi a, Sorkar laipui leh Mizoram sorkar hmalakna in tui harsatna kan pumpelh theih nan Jal Shakti Abhiyan: Catch The Rain 2022 ( Ruahtui Khawl) chungchang a Line Department te nen a hmalak dan tur sawiho a ngaih thu a sawi bawk.

Lunglei District chhunga tui a kan hnianghnar theih nan Ruahtui leh tui chhekkhawl nan a Rooftop Rain Water Harvesting System( RWHS ) sorkar leh mimal chenna building a siam, tui khawlna tur a khur siam, RWHS neihsa enkawl that, check dam leh tuikhuah siam, lui tui luanna daltu tihfai, watershed tihchangtlun, water catchment huamchhung humhalh bakah tui hna zawn chhuah a geo tagging tihvek , scientific taka tui chhekkhawl dan kawng siam, Jal Shakti Kendra District tin a din, ramngaw humhal leh mipui te hnena awareness pek dantur te rel a ni.

Line Department ten Jal Shakti Abhiyan hmalakna leh hmachhawp nei ten an hmalakna te DC office Lunglei ah thlalak nen kimchang taka thehlut tura tih an ni bawk.