No.2982/2021-2022

Aizawl the 11th November, 2021 : India ram pum huap tuihna humhalh leh ruahtui khawl pawimawhna inzirtirna leh hmalakna ‘Jal Shakti Abhiyan : Catch the Rain’ chu “Catch the Rain - Where it falls - when it falls” tih thupui hmangin Lunglei District-ah pawh kalpui chhoh mek a ni a.

Nodal Departments - DC, DRDA, EF&CC, PHED, LAD, Agriculture, LRS&WC, I&WR, Fisheries hotute chu nimin khan he Campaign chungchangah Chairman Lunglei Bawrhsap Pu Kulothungan A  hovin thukhawmin Department tin te hmalakna leh hmachhawpte sawiho a ni. 

Lunglei District huam chhunga lui, tuikhur, dil te leh water body dang awm zawng zawngte GIS Mapping kaltlanga chhinchhiah a, database mumal tak nei tura inpuahchah mek a ni a. Hemi atan hian Tui chungchang zirna hmunpui ‘Jl Shakti Kendra’ tur ruat nghal niin PHED Office Lungleiah ruahman a ni a. Er Vanlalchhuanawma, SDO leh Er Zodingpuia, SDO te chu he Jal Shakti Kendra enkawl tura ruat an ni.