No.2983/2021-2022

Aizawl the 12th November,2021: Zaninah hian DC Office Siaha leh Maraland Rock Society(MRS) te tangkawpin  Siaha Helipad-ah  Open air Electoral Roll Awareness-  Live Concert a  huaihawt.

Concert hawnna thu sawiin, Pu Abraham Beirazi Khithie,Addl.DC chuan zanin a Live Concert chhim tura lokal  thalai  tam tak ten nangmahni in hriat chauh duh tawk lovin, in kalna pianga kum 18 tling tawh, Vote la nei lo te hnenah vote neih ve  tawh tura in register theuh turin min lo puandarh sak zel dawn ni a, tiin Thalai  tam tak pungkhawm te a ngen a  ni.

Pu PP.Zalena, President,MTP(H) pawhin thu sawiin, Siaha district Thalai te, entertainment lama kan tuihal  zia  Sawrkar chuan hriain, Electoral Awareness campaign ni pahfawmin Covid SOP zawm chungin Open Air  Live Concert ropui tak min buatsaih sak a. Keini thalai te pawhin sawrkarin Electoral Awareness campaign a kalpuina kawngah sawrkar kut ke a kan tan ve hi kan bat a ni  tih i hre thar leh ang u, a ti.

Zanin Electoral Awareness  Live Concert hi  chhimtu thalai an thahnem hle a.Siaha district chhunga Rock Band  Pakua(9) ten rimawi leh zaiin thalai pungkhawm te an awi a ni.