2669/2022-2023
Lunglei the 15th Novermber, 2022 – Tribal-te zinga India zalenna sualtu (Tribal Freedom Fighters) te chawimawina leh hriatrenga Janjatiya Gaurav Divas chu vawiin khan India ram hmun dangte rualin Lunglei District-ah pawh hman a ni.

Lunglei DC Pu Kulothungan A chuan DC Office tualzawl atangin kawngzawh hi vailiam in, tribal freedom fighter hmingthang Birsa Munda piancham hriatrengna leh tribal freedom fighter-te zahna leh chawimawina atan Janjatiya Gaurav Divas chu sawrkar laipui in a buatsaih thu a sawi a. Kan ram changkang chho zelah zalenna kan neih theihna tura lo sualtu leh beitute mitinten theihnghilh lova kan chawimawi chhunzawm zel a tul a ni tiin kalkhawmte a chah bawk a ni.

Janjatiya Gaurav Divas, 2022 pual hian Lunglei khawpui chhungah kawngzawhna neih niin Lunglei Government College leh Government J Buana College zirlaiten hnam lam an entir a. India tana zalenna sualtu Pu Darthawma (L) fapa Pu R. Lalbiaktluanga chuan thusawina hun a hmang bawk a ni.

Janjatiya Gaurav Divas, 2022 puala hun hmanah hian sawrkar hnathawkte, media mi te, NGO hruaitute leh zirlai thahnem tak an tel a ni.