Vawiin khan Cigarette & Other Tobacco Product Act (COTPA), Legal Metrology Department, Lunglei Police, MZP leh MHIP te chuan Lunglei khawpui chhunga sumdawngte, dan phalloha cigarette leh vaihlo kaihhnawih zuar te chu check in Joint Inspection an nei a. Dan phalloha cigarette zuar dawrkai 4-te Legal Metrology Act 2009 hmangin an thil zawrh FarStar, Hammer leh V-Cigarette te chu chhuhsak in, dan angin an chungah action lak a ni ang. Tin, COTPA dan zawmlo dawrkai 2-te hrem an ni bawk. Hei bakah hian Gutkha product Shikhar leh S-10 engemawzat MHIP lam ten an man chhuak a. Hun hmasa lamah engemawzat chu lo man tawh in, warning pawh an lo pe tawh bawk a ni. Heng an thil man te hi MRP inziahloh vang te, signage ngaithah vang te leh sawrkarin a khap Gutkha kaihhnawih zawrh vanga man te an ni.