Vawiin khan SIRD&PR buatsaihin Rasthriya Gram Swaraj Abhiyan (RGSA) scheme hnuaiah Village Council-te tan “Foundation Course for Village Council Members” training chu SIRD&PR Conference Hall, Kolasib-ah neih tan a ni. He training hian May ni 9 – 11, 2017 thleng a awh dawn a ni.

Tun tum VC Member-te tan training buatsaihah hian Thingdawl R.D Block atangin khua 14 a VC member 33 an tel a. Khawtlang inawpna kawnga hriattur pawimawh hrang hrangte a bulthut atangin inzirtir tan a ni. He training hi Thingdawl BDO Pu Gaston Vanlalhriatpuia chuan hawngin, Course Director chu Pu B. Lalpuia, Faculty (DPRC) a ni.