3622/2024-2025

2024 Pawltlak thla ni 19: Vawiin khan Lunglei District Level Authority for Mizoram Land Pooling & Management Scheme chu an Chairman, District Bawrhsap Pi Navneet Mann hovin Lunglei DC Conference Hall-ah an ṭhu khawm a. A hlawma sawrkar hna thawkte chenna tur in (general pool accomodation - GPA) sak a nih theih nana sawrkar ruahmanna inhrilhfiah a nih bakah, Lunglei District-a hma lak dan tur sawi ho a ni.

Chairman Pi Navneet Mann chuan sawrkar department hrang hrang quarters hmun hrang hranga awm darh lovin, sawrkar hna thawkte hmun khata a hlawma an awm khawm theih nan GPA siam turin sawrkarin ruahmanna a siam tih sawiin, Lungleia GPA sakna tur hmun remchang rawtna leh department quarters mamawhte report chu a rang lamin sawrkarah theh luh a ṭul tih a sawi a. Kum thar January thla aṭangin PWD mi thiamte'n GPA sakna tur hmunhma enfiah leh zir chiangin district hrang hrang an tlawh kual ṭan dawn tih a sawi.

He hunah hian department hrang hrang ai awhte'n ram leh quarters an neih dan te tar langin, GPA atana hmun remchang tur rawtna sawi ho a ni a. Hmun remchang tur chu DC Office leh Land Revenue & Settlement office lam te'n uluk zawkin lo zir chiang se, chumi mil chuan sawrkarah rawtna theh luh ni se, tih a ni a. GPA-a quarters mamawh tur department-te chuan a hma lamin ziakin DC office-ah an mamawh dan tur theh lut se, tih a ni bawk.

Attachment

  • Loading attachment...