2808/2024-2025

2024 Sahmulphah thla ni 1: Vawiin chawhnu khan Letlangpui Music Festival 2024 Organising Committee chu Lunglei DC Conference Hall-ah an ṭhu kawm.

He ṭhut khawm hi Organising Committee Secretary, Lunglei Municipal Council (LMC)-a Chief Executive Officer Pu Donny Lalruatsanga chuan kaihruaiin, inlawmna thu a sawi a. Hlawhtling taka Leitlangpui Music Festival 2024 buatsaih a nih theih nan member-te chu ngaihtuahna seng tur leh mawhphurhna hrang hrang neite pawhin theih tawp chhuaha an mawhphurhna hlen tum turin a chah a ni.

Organising Committee Vice Chairman & Tourism Department Director Pi R. Lalrodingi chuan Leitlangpui Music Festival buatsaih tura sawrkar lam aṭanga hma lakna a tar lang a. A hlawtlin nan sawrkar department hrang hrang leh pawl hrang hrangte thawhpuina leh ṭawiawmna an mamawh tih sawiin, theih tawp chhuaha thawhpui leh ṭawiawm turin a sawm nghal a ni.

He hunah hian ṭhut khawm hmasaka ruahmanna siamte bawhzuina leh hmalakna thlir ho a ni a. Event Management Committee-in a hmunhma Lunglei Kawmzawla ruahmanna an siam te tar langin, refreshment, ushering, publicity, cultural dress, security, parking leh traffic chungchanga ruahmanna hrang hrangte sawi ho a ni. Department hrang hrangte'n mawhphurhna an neihte an tihhlawhtlin theih tur thu an sawi bawk.

Leitlangpui Music Festival hi November ni 14-16, 2024 chhungin Lunglei Kawmzawlah buatsaih tur a ni a. Beat Contest Competition, Concert, Food Stall, Museum, Cultural Programme, Solo, etc. buatsaih tura ruahman a ni.

Vawiin ṭhut khawmah hian sawrkar department hrang hrang ai awhte, NGO hrang hrang, MJA, MZI leh Lunglei Ṭhalai Pawl te an tel a ni.