3588/2024-2025

2024 Pawltlak thla ni 17:  Nau piang leh mitthi chhinchhiah (birth & death registration) mawhphurhna chu Lunglei Municipal Council (LMC) kutah a awm dawn tak avangin hemi kaihhnawihah hian vawiin khan LMC hotute pualin BoC Hall, Convention Centre, Lungleiah training buatsaih a ni.

LMC Chairman Pu Lalzuithanga chuan training hi a hawng a. LMC Chief Executive Officer (CEO) Pu Donny Lalruatsanga chuan hun kaihruaiin, Directorate of Economic & Statistics-a Deputy Director Pi Vanlalrengi chuan training hi a pe a ni.

Training-ah hian Registration of Births and Deaths Act, 1969 chungchang bakah, birth certificate leh death certificate pek chhuah dawna fimkhur a ṭulna te leh hriat tur pawimawh hrang hrang te kimchang taka zir ho a ni a. Zawhna leh chhanna leh sawi hona hun hman a ni bawk.

Sawrkar notification angin kum thar aṭangin LMC huam chhunga nau piang leh mitthi chhinchhiah chu LMC kutah hlan a ni tawh dawn a. LMC huam chhungah chuan LMC Secretary Pu Lalrinawma chu Deputy Registrar atan sawrkarin ruatin, LMC-in hma a la zui tawh dawn a ni.

Attachment

  • Loading attachment...