Vawiin khan Lunglei DC Conference Hall-ah kan hmalawka Lok Sabha inthlan neih tur atana senso turte man zat Pu K. Lalrohlua PD DRDA leh Pu James Lalnithanga Election Officer hova bithliah a ni.

Pu K. Lalrohlua chuan Lok Sabha inthlan ah Candidate tin ten sum an hman theih zat bituk chu cheng nuai 70 (Rs.70 lakhs) a nih thu sawiin inthlan kaihhnawih senso te ECI duh dan anga mumal taka ziaha report thehluh thin tur a nih thu a sawi a. Political party aiawh he hun rawn telpuitu te hnenah lawmthu sawiin Lok Sabha inthlan tluang leh felfai tak neih theihna tura tawiawm turin a sawm nghal bawk.

Vawiin Meeting-ah hian ECI duhdanin inthlan kaihhnawih a thil hman leh chhawr tangkai hrang hrangte man zat rate bithliahte zirho niin siamthat ngaite siamthat anih hnuah hman theih tura pawm a ni.