1030/2023-2024

Lunglei the 5th July, 2023 - NIELIT Lunglei leh Office of the Superintendent of Police, Lunglei te tangkawpin nimin khan MS Excel leh Cyber Security chungchangah ni khat chhung training programme hlawkthlak tak an buatsaih a ni.

Training hian a tum ber chu Legislative Assembly Inthlan lo awm tura inbuatsaihna atan Dan kengkawhtute leh office staff-te an thiamna te tihpun a tlin taka an hna an thawh theih nan a ni a, Legislative Assembly Inthlan ah hian report tam tak siam a ngaih dawn vang a ni.

Training hi Pukpui, Lunglei-a NIELIT facility-a neih a ni a, he training programme-ah hian inthlanna lo awm tura an chanvo tur atana thiamna pawimawh tak- Microsoft Excel leh Cyber Security lam hawi inzirtirna neih a ni. He hunah hian mi 47 an tel a, chung zingah chuan Lunglei Police, Border Security Force (BSF), leh DC Lunglei office-a thawkte an tel a ni.