342/2024-2025 

LUNGLEI; the 23rd April, 2024: Vawiin chawhnu dar 1:00 khan Convention Centre conference Hall-ah Municipal Sanitation Committee an thu khawm a. Meeting hi LMC Executive Councellor leh Sanitation Committee chairman ni bawk chuan a kaihruai a ni.

Vawiin meeting-ah hian heng a hnuaia agenda tarlan :

1. LMC in sanitation a kalpui mek report leh an hmalak tawhna review neih a ni a. Local Council pasarih(7)-ah LMC in Sanitation kalpui tura ruahmanna a siam leh Street sanitation kalpui a tum chungchang

2. Local Council tinte faina kawng a tanlak dan tur chungchang

3. Side drain /drainage system rimchhia leh tihfai ngai chungchang 

4. Khawpui chhung a bawlhhlawh paihna hmun lova paih thinte chungchang

5. LMC Award siam faina hrang hrang inelna neih chungchang

6.  Review of last MCC, 2023

7. Waste segregation chungchang

8. Bio- medical waste thliar chungchang

9. Electric bana electric hrui nilo, cable inzam hnawk nuai chungchang te chu khunkhan taka ngaihtuah ho a, hmalak dan tur rel a ni.

SANITATION CHUNGCHANG A LUNGLEI MUNICIPAL COUNCIL HMALAKNA REPORT :

Lunglei Municipal Council (LMC) in Sanitation a lak atangin thei tawpin hmalak mek zel a ni a, duthusam ang taka hma lak chu theih rihlo mahse, kan thei tawp a tha ber chhuahin hma lak mek a ni a, Lunglei khawpui alo fai a, a mi chengte kan lo hrisel zel theih nan hma lak zel hi kan tum a ni. Lunglei Municipal Council-in Sanitation chungchanga hma a lak tawhna te chu heng te hi a ni:

1. Lunglei Municipal Council chhunga, LMC-in bawlhhlawh a khawnna tur veng hrang hrang Pa sarih (Pukpui, Zotlang, Serkawn, Zohnuai, Bazarveng, Sazaikawn, Electric veng) atanga Sanitation Fee khawn chungchang leh kal zel dan tur chungchangah Local Council/Young Mizo Association te nen inkawmhona neih a ni.

Heng veng pa sarih (7) te bakah hian LMC Area-chhunga veng dang, mahnia bawlhlawh khawn thin te (Ramthar, Rahsiveng, Venglai, Venghlun, Chanmari, Farm veng, Salem, Lunglawn, Luangmual, Sethlun, Theiriat, Hrangehalkawn, Lungpuizawl, Zobawk Noth leh Zobawk South) nen Ni 16^th  April 2024 (Thawhlehni) dar 1:00 P.m-ah inkawmhona hun hman leh niin; Sanitation, chungchanga hma kan sawn theih dan tur leh kal pui a nih zel dan tur te sawi ho a ni.

2. Ni 10^th April 2024 (Nilaini) khan Sazaikawn atanga Luangmual panna kawng a bawhllawh, apaihna hmun tur nilo a paih te report-awm bawhzuia ahmun ngeiah kal a endik a ni.

3. Ni 20^th April 2024 (Inrinni) khan Sobji Bazar ten an bawlhhlawh dah khawmna an siam chu tun dinhmunah bawlhhlawh khawl a awm tam avangin, a hmun ngeiah kalin hma lak zel dan tur enfiah a ni.

4. LMC-in Sanitation a lak hnu hian Complaint chi hrang hrang (Septic tank leak, Bawlhhlawh paihna hmun tur ni lo a paih,Drain enfiah, etc) in vawi eng emaw zah kal tawh a ni.