341/2024-2025 

Champhai, the 23rd April, 2024: Vawin khan Agricultural Technology Management Agency (ATMA), Champhai District leh Tuipuiral Apple Growers Cooperative Society Limited-te chuan thawhdunna thuthlung Memorandum of Under Standing an ziak. ATMA Champhai District aiawhin Dr. C. Lalhriatpuia, Project Director leh Tuipuiral Apple Growers Cooperative Society Limited aiawhin Pi Lalchhuanawmi Ralte, Chief Executive Officer te'n MoU ah hian hming an ziah hnan a ni.

He hun hi Dr. R. Zosangkima, Block Technology Manager (BTM), ATMA Champhai District chuan kaihruaiin Dr. C. Lalhriatpuia leh Pi Lalchhuanawmi Ralte te'n thu tawi an sawi a. Thawhdunna tur chu lawmawm tiin, a hlawkpuitu tur berte chu loneitute an nih thu an sawi a. Pu T. Lalruatsanga, Assistant Technology Manager (ATM), ATMA Champhai District chuan lawmthu sawiin hun hman hi a khar a ni.

He thawhdunnaah hian pawisa lam financial engagement engmah a awm lo a, MoU hian a tum ber chu Agriculture lama thiamna inhlanchhawnte, training leh demonstration kalpuite, tunlai thiamna hmanga huan thlai chinte, uluk zawka tuihna enkawl inzirtirte, Agriculture chemical-te renchem taka hman leh  environment tichhe lova a tha zawnga hman a nih zawk theih nana changpat ek leitha tam tham a siam chhuahte a ni a. Hengte hian loneitute chu thingthlang lo neih bansana, tunlai thiamna hmanga loneih 'Scientific Agriculture' lam zawk an thlan theih nan a puih theih ngei  beisei a ni.