No.5643/2020-2021

Vawiin chawhma khan Association for Voluntary Blood Donation (AVBD), Lunglei leh MSACS tangkawp buatsaihin National Voluntary Blood Donation Day chu “Let’s donate blood voluntarily and Contribute to the Fight Against Corona” tih thupui hmangin Lunglei Sub Hqrs YMA Conference Hall-ah hman a ni. He hunah hian Lunglei DC Pu V.Lalsangliana, IAS chu khuallian a ni.

Vawiin program Dr. SR. Ngurchamliana, President AVBD Lunglei kaihhruaiah Pu V. Lalsangliana chuan thu sawiin sum leh pai seng lova mite tanpui theihna hlu ber chu a thlawna thisen pek hi a ni tiin Mizoram hmun hrang hrang ah YMA, Zirna in, kohhran hrang hrang leh pawl dangte hmalknain a thlawna thisen pek kan uar hi a lawmawm takzet a ni, a ti a. Thisen pek hi mizo tlawmngaihna dik tak a ni a, a mizo in kristian bawk a ni tiin thisen kan mamawh aia tam kan neih hi ui lovin midangte i pe ang u a ti a. Kalkhawmte chu a thlawna thisen pek uar deuh deuh tur leh mahni pek mai duhtawk lova midang te pawh thisen pek hlutna zirtirtu leh kawhhmuhtu ni theuh turin a chah bawk a ni.

Civil Hospital, Lunglei Blood Bank Medical Officer Dr Lucy Ramhmingliani Renthlei chuan report pein nikum January – December 2019 chhung khan Civil Hospital Blood Bank ah thisen unit 2597 lutin unit 2303 (88.67%) chu voluntary donation-a rawn lut a nih thu a tarlang a. Kumin January – August, 2020 chhungin thisen unit 1604 lut tawhin unit 1510 (94.13%) chu voluntary donation a rawn lut anih thu a tarlang bawk. Thisen a thlawna pe tute zawng zawng chungah lawmthu sawiin mipui tam zawk ten thisen pek kan uar deuh deuh theihnan kalkhawmte hmalak puiah a sawm bawk a ni.

AVBD Lunglei hi 19th October, 2001 din a ni a, Lunglei ah Blood Bank pahnih Civil Hospital leh Christian Hospital Serkawn ah awmin zirlai, YMA leh pawl hrang hrang thahnemngaihna avangin damlo ten thisen an dawng thin.

He hunah hian Lunglei District-a thisen pe tha te chawimawina hun hman nghal a ni. Thuziak leh thilpek hlan niin, chawimawina dawngtute chu:

Church Base:
1. Mizoram Thalai Kristian pawl - 1505 unit
2. PYD (North East) - 385 unit
3. Adventist Youth Federation - 84 unit

Institution Base:
1. Government JB College Lunglei - 212 unit
2. BHSS Serkawn - 191 unit
3. Lunglei Government College - 84 unit

NGO Base:
1. Serkawn Branch YMA - 86 unit
2. Pukpui Branch YMA - 52 unit
3. Peniel Hnahthial Branch YMA - 43 unit

Other Base:
1. MNYF Lunglei - 45unit
2. HDFC Bank Lunglei - 21 unit
2. MAP Lunglei – 21 unit
3. Mizoram Police - 18 unit
3. Liverpool Fans Lunglei – 18 Unit

Mimal vawi 3 pe chinte:
1. Lalrammuanpuii, Zotlang Lunglei
2. Joseph K. Lalramtluanga, Venghlun Lunglei
3. C. Lalramluahpuia, Electric Veng Lunglei
4. V. Lalhmahruaia, Electric Veng Lunglei
5. Lalrinmawia, Rahsiveng Lunglei
6. Jacob Ramengmawia, Rahsiveng Lunglei
7. Tc. Lalramchhuana, Haulawng
8. Lalremruata, Haulawng
9. B. Lalrinsanga ( Tetea), Venglai Lunglei
10. Johan Lalhmangaihzuala ralte Kawlni, Venglai Lunglei
11. Ng. Lalbiakdiki, S/N (Civil Hospital Lunglei) Bazarveng
12. Larry Lalrintluanga, Bazarveng
13. Isak Lalremsiama, Bazarveng