4759/2024-2025

Lunglei, 2025 Vau thla ni 21: Viksit Bharat Youth Parliament (VBYP) District Nodal Round Competition chu March ni 20 & 21, 2025 khan Lunglei Government College-ah buatsaih a ni a. Vawiin chawhnu khan a hmawr bawk fel a ni.

VBYP District Nodal Round hmawr bawknaah hian Deputy Inspector General of Police (Southern Range) Pu Altaf Ahmad Khan chu khuallian a ni a. LGC-a Assistant Professor Dr Vanlalhruaia chuan hun kaihruaiin, LGC Vice Principal Dr DK Jha chuan inlawmna thu a sawi a. NYKS State Director Pi Mercy Sellate chuan inelna buatsaih chhan sawi fiahin, endiktute aṭangin thu sawi ngaihthlak a ni a. District Nodal Round result puan niin, lawmman dawngtute leh sawm bikte'n thu an sawi a. LGC-a National Service Scheme (NSS) Programme Officer Pu Benjamin L. Chhangte chuan lawm thu sawiin hun a khar a ni.

VBYP Lunglei District Nodal hnuaiah hian Lunglei, Siaha, Lawngtlai leh Hnahthial District te an awm a. He'ng district pali aṭanga ṭhalai kum 18-25 inkar mi eng emaw zatin thupui thlan bik hmanga an thu sawi video theh lutin, chumi aṭanga a ṭha zual mi 10 thlan chhuahte chuan District Nodal Round inelna hi an hmachhawn a. District Nodal Round inelnaah hian Lunglei Government College, Government Lawngtlai College leh Government Kamalanagar College aṭanga zirlaite an tel bakah, zirlai ni lo ṭhalaite an tel bawk a ni . 

Lunglei District Nodal Round inelnaa lawmman dawngtute chu:

1) Pakhatna: T. Lalremruati, Lunglei  Government College 
2) Pahnihna: F. Lalhriatzuala, Serkawn/NYK
3) Pathumna: Brigid Lalhmangaihsangi, Lunglei Government College  

He intihsiaknaa a ti ṭha mi 10 te hi Aizawla State Level National Youth Parliament intisiaknaah District ai awhin an tel dawn a ni.

District Nodal Viksit Bharat Youth Parliament hi sawrkar laipui Ministry of Youth Affairs and Sports hnuaia Nehru Yuva Kendra (NYK) bul tuma buatsaih a ni a. Lunglei Government College chu Nodal Centre niin, inelna hi Lunglei Government Collge NSS-in a huaihawt a ni.

Attachment

  • Loading attachment...