2939/2024-2025

2024 Sahmulphah thla ni 12: Vawiin khan Chief Controller of Accounts, Accounts & Treasuries, Mizoram buatsaihin Convention Centre, Lungleiah chhim lam District Treasury pathum - Lunglei, Hnahthial leh Chawngte hnuaia awm department hrang hrang DDO-te pualin New Pension Scheme  (NPS) chungchang inhrilh hriatna leh zir hona (sensitisation training) buatsaih a ni.

He hunah hian Accounts & Treasuries, Southern Zone-a Joint Director Pu Thara Lungṭau chuan hawnna thu sawiin, Lunglei, Hnahthial leh Chawngtea District Treasury hnuaia department hrang hrang  DDO-te tan Aizawla kal kher ngai lova Southern Zone ṭhut hmun Lungleiah New Pension Scheme training buatsaih theih a ni chu lawmawm a tih thu a sawi a. Training chu pensioner-te'n a hun taka pension hamṭhatnate an dawn theih nan DDO-te'n an tih tur leh hriat tur pawimawh hrang hrangte inhrilh hriatna leh inzirtirna hun a ni dawn a ni, a ti.
Vawiin training-ah hian Pu Gilbert Zothankima, AA&AO-in "DDO mawhphurhna (resposibilities of DDOs)" tih thupui hmangin zirtirna a pe a. Pu Laltholeha Sailo, AA&AO-in New Pension Scheme chungchang sawi fiahin, Pu Gilbert Zothankima chuan practical demonstration a neihpui bawk a. Zawhna leh chhanna hun hman ni bawkin, Institutional Finance & State Lottery-a Joint Director Pu Sangkhawma'n lawm thu sawiin hun a khar a ni.

Attachment

  • Loading attachment...