2938/2024-2025

Dated Kolasib, the 12th November, 2024: Vawiin khan District Level Monitoring Committee on PMEGP, Kolasib District chu an Chairman Robert C. Lalhmangaiha, DC Kolasib hovin, Deputy Commissioner Office Chamber-ah an thukhawm.

He thutkhawma hian Member Secretary Pu. C Lalthangkima District Commerce & Industry Officer chuan tun kum kal meka PMEGP dinhmun tarlangin, PMEGP dilna 54 lai dawn a nih tawh thu leh heng te hi bank lamah thawn vek a nih tawh thu sawiin, vawiin thlengin Project 26 chu sanction a ni tawh tih a sawi.

Hei bakah hian Kolasib district chhunga Bank hrang hrang ten PMEGP an kalpui dan sawiin, Pu PC Lalnunpuia, Lead District Manager, Kolasib Dist. chuan PMEGP hi Central Scheme a nih angin, State in target a neih atangin district hrang hrang te chu target pek an nih thin thu a sawi a. Kumin atana Kolasib district target an pek chu Project 85 a nih thu leh Margin Money cheng nuai 94.35 a nih thu a sawi.

He meeting ah hian PMEGP margin money chu Central Funding a nih avangin Bank lamin target an phak loh chuan, margin money atana allotment sum te hi a lapse leh mai dawn a. Chuvangin he scheme hi mi tam zawkin an hriat theih nan tan lak a ngaih thu te sawi niin, hemi atan nasa zawka awareness neih a pawimawh thu te leh awareness neih dan tur te sawiho nghal a ni a. Tun dinhmunah PMEGP la tu te hian  a tlangpuiin an loan lak an rul tha thawkhat nia an hriat thu bank hrang hrang aiawhte chuan an sawi.

Vawiin a Kolasiba PMEGP thutkhawmna ah hian District Industry Centre Officer (DICO) bakah Kolasib Lead Bank Manager, NABARB Manager leh Allied Department Officials-te an tel a ni.