Vawiin chawhnu khan Lunglei Sanitation Task Force leh DUDO, UD&PA Department, Lunglei buatsaihin Convention Centre, Lunglei ah Mizoram Khawpui Fai Inelna 2018 chungchang ah One Day Workshop On Mizoram Khawpui Fai Inelna 2018 tih thupui hamngin khawpui chhung VC, YMA, MUP, MHIP leh Clean Lunglei te zirtirna pek an ni.

One Day Workshop inkhawm hi Pu Andrew Lalhruaia, DUDO, UD&PA Department, Lunglei chuan inlawmna thu sawiin workshop a tel tura sawmna an ngaih pawimawh avangin kalkhawmte chungah lawmthu a sawi a. Mizoram Khawpui Fai Inelna 2018 chu 1st - 20th September chhung hian neih a ni dawn a, hetah hian mipuite aiawh kan nihna hre reng a faina kawng a kan tanrual a ngai a ni, a ti. Nikum khan mipuite kan inpekna avangin State pum ah Lunglei khawpui in lawmman pahnihna kan hauh a, District dang ngaihtuah chuan mihring kan tam in khawpui chhung pawh a zau in VC 24 te hian inpekna leh tanrualna nen a kan thawh chuan pakhatna kan ni thei a ni a ti. Mihring tam dan hi faina kawng ah chhuanlam a tling lo a ni tiin kan veng leh khawpui tan hian enge ka tih ve theih tih thinlung pu chunga hma la theuh turin kalkhawmte a chah a. Faina kawng ah Mizo Upa Pawl ten ke an penchhuak thin hi an fakawm a, thalai ten an hnung zui thei se a duh thu a sawi bawk.

Pu Eddie Zonunkima, Social Development Specialist, DUDO, UD&PA Department, Lunglei in Lunglei sanitation task Force chuan Mizoram Khawpui Fai Inelna thianghlim hi NGO'S te nen a hma la ho tura tih a nih ang in NGO'S te ko khawm an nih thu a sawia. Kum 1977, 2nd Oct, Mahatma Gandhi piancham denchhen in LAD, Sanitation Wing hmalakna in Faina Hapta (Cleanliness Week) hman tan niin kum 2006, 7th August atangin UD&PA Department hmalakna in kumtin kalpui a ni a ti.

Vawiin Workshop ah hian Mizoram Khawpui Fai Inelna 2018 neih dan tur tehfung hrang hrang te zirho niin veng hrang hrang hmalakna leh hmachhawp hrang hrangte sawiho a ni. He inelna hian mark 100 a pu anga, pakhatna lawmman hi cheng nuai khat, pahnihna cheng sing sarih leh pathumana cheng singnga bak ah cerfificate leh momento a keng tel ang.