Vawiin chawhma khan Convention Centre, Lunglei ah UD&PA Department buatsaihin Lunglei khawpui chhunga VC-te tan One Day Workshop On Sustainable Urban Sanitation Programme neih a ni.

He workshop hi Pu Andrew Lalhruaia, DUDO, UD&PA Department chuan kaihruaiin Lunglei khawpui chhung ah engtinnge faina nghelnghetkanneih theih ang a, khawpui faina hi VC te kut ah a innghat thui hle a, nakin lawk ah chuan khawpui faina hi VC te kut ah a la awm dawn a ni. Ram changkang ah chuan bawlhhlawh paih hi sawrkar kut ah awm lovin mipuite kut ah a awm a ni. Chuvangin VC te chu faina kawng ah hmahruaitu nih tumturina chah a ni. Khawpui thang zelah bawlhhlawh paih man hikanchawi ve a ngai tawh dawn a, tun atangin mipuite thinlung ah bawlhhlawh paih man chawi tura hrilh hreturinVC te a chah a ni. Tun atanga reilote ah bawlhhlawh sawngbawlna (Solid Waste Management) peih a ni anga, he bawlhhlawh sawngbawlna atang hian sum tam tak sawrkar in a hmuh beisei a ni.

Pu Eddie Zonunkima, SDS chuan Swachh Bharat Mission (Urban) thil tum chu faina tluantling nei tur te, bawlhhlawh sawngbawlna leh ram pum faina a ni a ti. Lunglei khawpui chhung ah Individual Household Latrine (IHHL) 161 sak zawh a ni tawh a, Public Toilet 10 sak zawh a ni tawh bawk. Lunglei, Tlabung leh Hnahthial te chu ODF a puan a nih tawh thu a sawi. SBM(U) hmalakna leh hmachhawp te a sawi bawk a ni.

Pi H.K.Lalrintluangi, SDS chuan Swachh Survekshan chungchang sawi in Ministry Of Housing & Urban Affairs bultum a India ram khawpui 4041 faina lam a inelna neih leh ranking pek a neih tur zing ah Lunglei pawh tel in hemi in a tum ber chu India ram in faina lam a hmalam a pan deuh deuh theih nan leh mipuiten faina kawng ahma kan sawn theih nan a tih a ni a ti.