World Photography Day lawmna chikhat atana buatsaih  ni thum chhung awh tur World Photography Day Exhibition & Contest vawi thumna chu Lunglei District Urban Development Officer Pu Andrew Lalhruaia'n vawiin khan a hawng.

Thlalak entirsiak hawnna inkhawm Heritage Centre, Lungleia neih hawnna inkhawm hi Pu Malsawmtluanga, Founder President, MSP in a kaihruai a, khuallian Pu Andrew Lalhruaia chuan hawnna thu sawiin khawvel chang kang zelah thlalak in  pawimawhna a ngah tulh tulh  a, chanchin thar leh thu thar nemnghettu a ni a, hetih lai hian mitin deuhthawin thlalakna kan keng tawh a, Social Media hrang hrang in min chiahpiah hneh hle tawh lai hian thlalak hman danah a hun leh hmun hriat a, a tha zawng chauh a hman kan thiam a pawimawh hle a ni a ti bawk. 

Vawiina Thlalak entirsiak hi Mizoram School of Photography leh Photography Club of Mizoram te buatsaih niin he exhibition ah hian mi 26 te kutchhuak,  thlalak 100 zet pho chhuah a ni.