328/2024-2025

Lunglei, 20th April 2024: Vawiin chawhnu dar 1:00 atang khan 1-Mizoram PC General Observer Dr. Nipun Vinayak aiawh Sr. Micro Observer Pu Lawmsanga Ralte hovin Lunglei  district DEO leh Bawrhsap ni bawk Pi Ramdinliani office chamber-ah Post Poll Scrutiny neih a ni.

Vawiin post poll scrutiny neih-ah hian Assembly segment 6 atangin Polling station pathum theuh random a thlanchhuah  a ni a. Chung Polling station thlanchhuah te 17A (Register of Votes), Presiding Officers Diary-te leh document pawimawh dang te enfiah a ni. Uluk taka enfiah an nih hnuah thil dik lo leh fel hlel a awm lo a ni tih lungrual takin official leh Political Party aiawh te hian an pawm a, Inthlan that (re-poll) neih ngaihna Polling Station Lunglei district chhungah a awm dawn lo a ni. Endik zawh hian Political Party aiawh te leh  Sr.Micro Observer hriatpuinain - Scrutiny Papers - Form 17A (Register of Votes), Presiding Officers Diary leh document pawimawh dang te hi Strong Room-ah dah luh leh vek an ni a, vote chhiar hun (June ni 4, 2024) ah lak chhuah leh an ni ang.