No.6871/2020-2021 

Prime Minister Van Dhan Yojana kaltlanga hnathawhna tur hmanraw hrang hrang Lungleia kuthnathawk tute hman tura sawrkar laipui Ministry of Tribal Affairs  ruahman chu vawiin khan Pukpui, Kawmzawl hmunah High Powered Committee Vice Chairman, Pu Lawmawma Tochhawng chuan a sem.

He hun hi Pu Vanhlupuia, Asst. Registrar, Co-Operative Society leh Secretary PMVDY, Lunglei ni bawk chuan a kaihruaia, khuallian Pu Lawmawm Tochhawng, HPC Vice Chairman chuan Mizoram sorkar hmalakna ah Co-operation Minister Pu C. Lalrinsanga’n hmalthlir thui tak nena Co-operative Society te hmasawnna tura ruahmanna tha tak a siam thin chu lawmawm a tih thu a sawi a. Minister hmalaknaa society member leh kuthnathawk tute tana hmanraw semte hi a dawngtu ten a nihna ang taka an hman a tul thu sawiin hmasawnna kawng hrang hrang hlenchhuah theuh turin a duh thu sawi bawk. Heng khawl hmang hian Lunglei District ah hmelthar leh rah tha a thlen ngei dawn a ni tiin sawrkar hmalakna hrang hrang ti hlawhtling turin mipuite nen kawng engkima thawhho a tan tlan a tul takzet a ni, a ti bawk.

Vawiina PMVDY hnuaia hmanraw semte hi Lunglei District chhunga Co-operative Society, Vandhan Kendra ni bawk 6 te hnenah sem a ni a, heng bungrua te hi eitur siam chhuahna hmanraw chi hrang hrang bakah a dahthatna te nen a vaiin cheng nuai 20.93 man semchhuah a ni a, Lunglei District chhunga Vandhan Kendra 6 te tan hian kum 2019 atanga 2020 chhung atan chengnuai 54.25 ruahman a ni.