No.6959/2020-2021
Vawiin chawhma khan District Local Administration Department, Lunglei buatsaihin DC’s Conference Hall, Lungleiah Lunglei District chhunga Village Council 10 thlanchhuah te zinga 5 te hnenah tualchhung rorelna leh hmasawnna langtlang taka (Promotion of Transparency in Local Administration, Phase I 2020) thawk tha te hnenah Pu R. Vanrengpuia, Addl. Deputy Commissioner, Lunglei chuan Citation leh pawisa fai hlanna a nei a, Integrity Risk Assessment in Local Administration Bu tlangzarhna a nei bawk.
He hun hi Pu PC. Lalhmunliana, AFI (LAD) in kaihruaiin Pu R. Vanrengpuia chuan VC te chu sorkar hmasawnna hna bul tantu leh hmawr bawk tu an nih avangin entawntlak leh langtlang taka hnathawk turin a chah a. Tualchhung rorelna langtlang taka kalpui a, corruption ven leh mipuiin VC ah rinna an nghah zual theih nan, mipui hriatah VC hmalakna leh sum dinhmun tarlan tura buatsaih hi a tangkai hle dawn ani ati. He hmasawnna hna thawktu VC hlui leh thar te hnathawh rah hmuh theia awm hi a ropui a ti a, khawtlang rawngbawlna ah thupna awmlova langtlang tak anih hian zalen takin a awm theih ani ati bawk. He Promotion of Transparency in Local Administration hi chawikang a kalpui zel turin a chah a ni.
Pu J. Mialung, DLAO in thuhma sawiin Lunglei District chhunga VC te tan Promotion of Tranparency in Local Administration Phase I 2020 ah hian VC 10 thlan niin VC leh mipui inkara thawhhona tha leh inrintawnna a lo awm theih nana tih niin hmasawnna hnathawh te langtlang taka kawng tin reng a thawh leh hmuhtheia awm theih nana tih a ni a ti. He hmalakna hi VC 10 thlanchhuah ten an area ah theuh kalpui in Sorkar scheme hnathawh te YMA, MHIP, MUP leh Prominent Citizen te hriatpuia thawh thin a ni a ti. Sum hmuhna leh hmanralna te tarlan thin niin veng chhung chanchinbu kaltlanga VC sumdinhmun mipui hriat a puanzar thin a ni a ti bawk.
Promotion of Tranparency in Local Administration Phase I 2020 a lawmman la veng te chu: 1) Salem Veng. 2) Venglai. 3) Sazaikawn. 4) Hauruang leh 5) Serkawn te an ni.
