Vawiin khan Lunglei DC Conference Hall-ah Vigilance Department bultumin Lunglei District chhunga sawrkar hnathawk Group A leh B officer-te tan Property Return chungchang zirhona buatsaih a ni.

He hun hi Lunglei SDO (Sadar) Pi Saizikpuii chuan kaihruaiin, Vigilance Department-ten Lungleiah ngei training an buatsaih chu lawmawm a tih thu a sawi a. Sawrkar hnathawk kan nih angin annual property return thehluh hi kan tih tur a ni tiin, kal khawm te chu training chhawr tangkaia property return thehluh nachang hre thar leh theuh turin a duh thu a sawi a ni.

Vigilance Department aiawha lo kal Course Director Pu Vanlalzuala Chhangte leh Assistant Pu James Lalchhuanawma te’n officer kal khawmte chu annual property return chungchang an zirtir a. Zawhna leh chhanna bakah sawi hona hun hlawkthlak tak hman a ni bawk.

Lunglei District chhunga Officer Group A leh Group B te an kal tha hle a ni.