Vawiin khan Lunglei Town Sanitation Task Force buatsaihin UD&PA Office Lunglei kawtzawlah vantlang bawlhhlawh bawm khawlai a hun tur (community dustbin) Lunglei khawpui chhung a VC te hnenah semna leh bawlhlawh paihna motor thar 2(pahnih) vailiamna Pu Chalrosanga Ralte Lunglei West bialtu  MLA in a nei.

Vawiin hun hman hi Pu Andrew Lalhruaia, DUDO, UD&PA Department chuan kaihruaiin, Pu Chalrosanga Ralte chuan Lunglei tan rahbi thar a ni a, khawpui chhung a bawlhlawh paih leh faina kawng ah nasa taka hmalak ani thin avangin UD&PA Department chung ah lawmthu a sawi a. Vantlang bawlhlawh bawm leh bawlhlawh paih motor te hi mipuiten kan hman tangkai a tul a ni tiin bawlhhlawh hi khawilai kawr ah te paih mai mai lovin, a sawngbawlna hmun ngei a paih hian mihring hriselna atan a pawimawh a; kan boruak chhe tur pawh a veng ani a ti. Khawpui fai leh thianghlim tur chuan Sawrkar leh mipui te kan tan ho angai ani, thawhhona tha nena kan kal chuan Lunglei hi Mizoram khawpui fai ber kan ni thei ani. Lunglei khawpui tana faina kawnga thawhhlawk Clean Lunglei hmalakna fakawm tih thu a sawi bawk.

Dr. Ankita Chakravarty, IAS Deputy Commissioner leh Chairman Lunglei Town Sanitation Task Force pawhin thusawiin UD&PA Departmenthnen ah  bawlhlawh paih motor pahnih sawrkar in a pek chu a lawmpui thu a sawi a, hemi piah ah veng leh khawchhung a thianghlim zawk nan vantlang bawlhlawh bawm  hun tur a pek hi hmang tangkai turin a duh ani. VC te hmalakna in bawlhlawh sawngbawlna hmun ngei a paih theih nise, Vantlang bawlhlawh paihna  enkawl leh tihfai   kawng ah harsatna awm a rin lo thu a sawi bawk. Khawi hmunah pawh bawlhlawh sawngbawlna hmun hi mitin in i ngai pawimawh ang u a ti. 

Pu Eddie Zonunkima, SDS, UD&PA Department in report pein Lunglei Town Sanitation Task Force in DC Chairman na hnuai ah faina kawngah nasa takin hmalak niin  kan tui tlanna hnar ber Nghasih lui thenfai na ‘Clean Nghasih’ neih a ni a. Faina kawnga hmalatu Clean Lunglei chu sawrkar in  Brand Ambassador atan dah niin college hrang hrang te nen faina kawng ah hmalak ani thin.NEDP hnuaiah hmasawnna hnathawh kalpui mek ani ati. Vawiin a bawlhlawh paih motor vailiam tak te hi 407 truck 2(pahnih) leh vanltang bawlhlawh bawm te hi steel frame nen thlap vuah sa 200(zahnih) Lunglei khawpui chhung VC te hnenah sem a ni.