3577/2023-2024

LUNGLEI; the 30^th January,2024: Vawiin chawhma dar 11:00 khan DC Conference Hall-ah Rashtriya Gram Swaraj Abhiyan  chungchangah meeting neih a ni. Meeting hi Pu Donny Lalruatsanga, Addl.DC chuan kaihhruaiin. Beitlotha Nohro, DLAO leh DTO ni bawk chuan RGSA hnuaia hmalakna te report a pe. 

Rashtriya Gram Swaraj Abhiyan (RGSA) hi Centrally Sponsored Scheme niin,   Sustaianable Development Goals(SDGs) an neih theihna tura Village Council member te tahhriammna  Scheme a ni a. VC te chu Resource awm ang ang te hman tangkai leh anmahni theitawp chhuaha khawtlang leh ram tana tha tur, Scheme hrang hrang te nena tangkawpa siam thiam tura zirtir an ni.He Scheme hnuai atang hian Mizoram hian cheng vaibelchhe ₹14.27 an dawng a ni. Training Management Portal (TMP) hmangin  Mizoram State chhunga VC member te hnena Training hrang hrang pek thin te chu vil reng a ni.  Tha taka he scheme hi kalpui a ni theih nan meetings, video-conferences, PFMS etc  te neih reng thin a ni.

He scheme hnuai atang hian nikum chhung khan batches 91 training pek an ni tawh a, trainee 3118 laiin training hi an chhim a ni.

VC House(Panchayat Bhawan) 150 sak niin,93 thawmthat a ni bawk. VC-15-ah Common Service Centre(CSC) siam zawh tawh a ni  bawk.Desktop Computer Set – 243 semchhuah tawh a ni. District Panchayat Resource Centre (DPRC) hi district 3: Hnahthial, Khawzawl and Saitual te sak mek a ni.