Vawiin khan Deputy Commissioner Of State Tax, Conference Hall Lunglei ah ATI leh Taxation Deparment te buatsaihin Lunglei, Lawngtlai leh Siaha District -a Taxation Officer te tan Refresher Course  On GST Portal neih a ni. Pu Benjamin Lalzama Addl. Deputy Commissioner, Lunglei chuan khuallian niin a hmanpui. 

Refresher Course on GST Portal hawnna Pu Lalthachianga, DCST Lunglei kaihhruaiah Pu Benjamin Lalzama chuan GST hi khawvel ram 140 ten an lo hmang tawh a, India ram hi a hmang tlai pawl kan ni tiin GST hi a luhchilh tak tak lo tan chuan a harsa em em a, inpekna  leh taimakna nen a in inzir reng a pawimawh dawn a ni a ti. Training tura kalkhawmte chu an hna theuh rinawm taka thawk tura fuihin sawrkarin GST ah hian anmahni ah a innghat tlat a ni tih hre thar turin a chah a. Dawhtheihna leh taimakna nen Training chu hlawk taka hmang theuh turin duhsakna a hlan nghal bawk.  

Pu Kailiana Ralte  Addl. Commissioner Of State Tax in lawmthu sawiin District pathum (3) Lunglei, Lawngtlai leh Siaha te tan a remchan zawk avangin Lunglei ah Refresher Course On GST Portal Taxation Officer te tan neih a ni tih a sawi a. India ram ah GST hi inang tlang a hman tur anih avangin a huphurh awm hle a, State dangte pha lovin kan hnufual ang tih ka hlau a, amah erawh chu kan Officer te thahnemngaihna avangin a thlamuan thlak hle a ni a ti. GST hi lehkha tel lova Internet hmanga thawh vek tawh tur a ni a, Internet facility ah harsatna tawk deuh mah ila taimakna nen a kan in upgrade angai hle a ni a ti bawk. 

Pu Lalthansanga Joint, Commissioner Of State Tax leh Course Co ordinator ni bawk chuan Course kal pui dan tur sawiin thahnem ngai tak leh taima taka zir turin Taxation Officer te a chah ani.  

Pu Lalruatpuia Asst. Commissioner Of State Tax chuan Registration chungchang zirtirna a pe a, Pu Lalthachianga DCST chuan GST R3B leh Tax Official Interface chungchang sawiin Pu Lalthansanga JCST chuan Work Contract & TDS chungchang ah zirtirna a pe bawk. Zawhna leh chhanna hun hman a ni bawk.