3531/2023-2024

LUNGLEI; the 26th January,2024: India ram hmun dang te rualin, Lunglei district-ah pawh Republic Day vawi 75-na lawmna pui ber chu C.Thuamluaia Mual-ah chawhma dar 10:00 khan neih a ni a. Khuallian Pi Ramdinliani, IAS Deputy Commissioner chuan Hnampuanzar pawtparhin, parade contigent te chibai bukna a chhang let.

Khuallian chuan Republic Day thuchah sawiin, zalenna min sual chhuah saka, zahawmna min pe a, Danbu min buatsaih saktu, India ram leh hnam hruaitu hmasa mual liam tawh te inpekna leh thawhrimna te hre reng tur leh anmahni zahna chibai buk nawn leh turin mipui te a ngen a. Kumthar 2024 hi Sawrkarna thar nen kan chuangkai a, Mipui ten phurna leh beiseina sang tak neiin, ram inrelbawlnaah kalphung thar Sawrkar lakah an beiseia, Sawrkar pawhin mipuite beiseina ti thlawn lo turin chak takin hma an la tan mek a. Hemi kawngah hian keini mipui pawhin India khua leh tui tha kan nih angin sawrkar tha ti chaktu leh khalh ngiltu ni turin inpuahchah ang u, tiin Lunglei district mipui te thu a chah.

Pi Ramdinliani chuan Lunglei district mipui te hnenah dan leh hrai zawm that kawngah te, kawng hrang hranga Sawrkar an tawiawm thinna kawngah te lawmthu sawiin, District Administration in tawiawm thatna avangin Lunglei Municipal Council leh Mizoram Legislative Assembly-2023 Inthlanpui te pawh tha taka kalpui thei kan ni a. Kan hma lawkah Lok Sabha inthlanna kan hmachhawn leh turah pawh hian in thawhpuina leh tawiawmna ka ngen lawk a ni, a ti a. Nikum 1st January to December, 2023 chhunga Lunglei District chhunga Department hrang hrangte hmalakna langsar zual a tarlang nghal bawk a ni.

Republic Day-2024 lawmnaah hian Parade Contingent 24 awmin, Armed Contingent-4, Unarmed Contingent- 6, School Contingent- 12 leh Band Party 2 te an ni. Parade Contingent ti tha 3 thlanchhuah te chu:

Unarmed Contingent atangin:
1st-- NCC Lunglei Govt. College,
2nd-- Air Wing Baptist Higher Secondary School
3rd-- NCC Baptish English School te an ni.

School Contingent atangin:
1st ---2Bn MAP English School
2nd--- Sacred Heart School
3rd--- Govt. High School Lunglei te an ni.

Khuallian chuan Governor Silver Medal dawngtu Sub. Inspector Narendra Kr. Basnet 2Bn MAP leh Fire Service Medal for Meritorious Service, 2023 dawngtu Fireman Lalnunpuia, Fire & Emergency Services Lunglei te hnenah Medal a hlan bawk.

Republic Day puala Quiz Competion buatsaiha lawmman dawngtu te chu :

1st Prize-- Ramluahpuia, BA ( 2nd Sem), Lunglei Govt. College
2nd Prize-- Malsawmhluii Hrahsel,( Class VIII), Holy Faith School,
3rd Prize--- R. Lalrinpuii, (Class VIII),Baptist English School an ni.

Republic Day 2024 lawmna pual hian Hospital, Home hrang hrang leh Jail-ah te thil pek hlan a ni bawk. 

Khuallian chuan a hnuaia tarlan faina kawnga hma la tha te hnenah lawmman a sem chhuak bawk.

2023 SWACHHATA RANKING
Govt. Office Fai :
1st - District Veterinary Office, Lunglei
2nd - Jt. Director, Account & Treasury Office, Lunglei
3rd - Dist. Urban Dev. Office, Lunglei

Hospital Fai :
1st - Christian Hospital, Serkawn
2nd - Civil Hospital, Lunglei
3rd - UPHC Hrangchalkawn

Hotel Fai :
1st - Circuit House, Lunglei
2nd - Hotel Ono, Chanmari
3rd - Seasons Hotel

Market Fai :
1st - Super Market, Lunglei
2nd - 3-Gate Market
3rd - Serkawn Market

Primary & Middle School Fai :
1st - Govt. Mt. Hermon M/S, Ramthar
2nd - Govt. M/S-II, Rahsiveng
3rd - Govt. P/S, Salem Veng

High School & Above Fai :

1st - Govt. Electric H/S
2nd - Govt. Liantawna H/S, Lunglei
3rd - Govt. Bazar H/S

Restaurant Fai :

1st - Classic Cafe, Ramthar
2nd - Heaven Sweets, Bazar Veng
3rd - Rj Rolls, Bazar Veng

Workshop Fai :

1st - Tata Motors Authorised Service Outlet, Ramthar
2nd - Mawizuali Workshop, Chanmari
3rd - Lawma Engineering Works, Ramthar

Best Sanitation Worker :
Male - Vanlalvuana
Female - Lalhmangaihthangi

Republic Day-2024  puala Sports discipline tournament huaihawt Volley Ball leh Tennis (Men & Female) Champion leh Runner up te hnenah Trophy, Certificate leh pawisa fai a  hlan nghal bawk a ni.