2497/2024-2025

Lunglei the 11th, Khuangchawi Thla, 2024: Vawiin chawhnu khan Deputy Commissoner Office, Lunglei bultumin Celebration of Rigth to Information Week, 2024 chu DC Conference Hall ah neih a ni a,   Pu James Miahlung,  Addl. Deputy Commissioner in a hmanpui.

He hun hi Pi R. Lalrinzuali, Election Officer, Lunglei chuan kaihruaiin Pu James Miahlung  chuan RTI Week 2024 hmang tura kalkhawmte hnenah lawmthu a sawi a. RTI  Act 2005 atanga hman tan a ni a, mipuite hnena information dik leh rintlak pek zung zung a nih theih nan document  neih that a ngai a, hemi kawngah hian zir tur tam tak kan nei a ni a ti. Mipui ten sorkar atang an hriat tur pawimawh tak tak sorkar kalphung , inrelbawl dan leh mipuiten  hamthatna an neihte inhrilhriat  a tul thu sawiin mipui ten dil kher ngai lo a, sorkar hotu ten information an tarlan tur tam tak a awm a, State Public Information Officer (SPIO ) leh Assistant State Public Information Officer (SAPIO) te chuan an department-in mipui hamthatna emaw mipuite tana an hnathawh tar chhuak thei tura inbuatsaih a pawimawh thu sawi bawkin RTI  chu dik leh langtlang taka sorkar khalh ngil tura duan a nih angin mipui ten an chhawr thiam a tul hle tih a sawi bawk. Kum2022 ah RTI online portal hman theih a peih a ni a, hei hi hmang tangkai theuh tura kal khawmte a sawm ngal bawk.

Vawiin Celeberation of RTI Week 2024 hmanna ah hian Pi Lalhlimpuii, SDC chuan RTI Act 2005 chungchang zirtirna pein Pu K. Lalremruata, (RTI Practitioner) RTI chungchanga tawn hriat a neihte a sawi bawk a ni.  He hunah hian RTI kan hmang tangkai tawk em tih leh RTI hmansual chungchang  sawi hona neih nghal a ni bawk.