2496/2024-2025

Dated Kolasib the 11th October 2024: Vawiin khan Government Kolasib College week kharna Program chu Government Kolasib College Auditorium-ah hman a ni a. He hun hi Pu Lalfamkima,  Deputy Speaker , Mizoram Legislative Assembly chuan Khuallian niin a hmanpui.

He hunah hian Khuallian chuan thu sawiin,  College life chu a nuam a, amaherawhchu rilru nei rana hman a pawimawh a ni, a ti a . Zirlai nih chhung chuan tum an neih a pawimawh a hmathlir neia an zirlai hun te hmang turin a chah. Hun hmanthat a pawimawh thu sawiin, tun hun reilo te an zir tur hmabak la awm chuan an hun kal tur zel a hril dawn a ni, a ti. Competitive puitu atan Kolasiba MYC awm te pawh hmang tangkai tura chah in , awmze nei taka zirtirna kalpui anih avangin an hlawkpui ngei a rin thu a sawi.

Pu Lalfamkima chuan zirlai kalkhawmte chu ruihhlo laka fihlim tura chah in, an nun chu vawng uluk turin a chah a. An nuna harsatna an tawh in, ngaihtuahna fim tak neia huaisen taka hmachhawn turin a chah . Thil engmah kumhlun tur a awm lo ang bawkin, an harsatna tawhte pawh a la kiang leh dawn a ni tih hria a beiseina thar nei zel turin a chah bawk.

Vawiin a Government Kolasib College Week Closing Program hi Misael Lalngaihsaka, General Secretary,  Student Union chuan kaihruaiin, Lalruathlua, AGS, Student Union in report pek na a nei a. Government Kolasib College Music Video tlangzarhna program hman niin, hemi zawh hian Deputy Speaker hian Magzine tlangzarhna hun a hmang nghal bawk a ni.