2495/2024-2025

Saitual, the 11th October 2024: Vawiin chawhma dar 10:30 khan Govt. Saitual College Auditorium-ah District Level Children's Science Congress 2024 neih a ni a, “Understanding Ecosystem for Health and Well Being” tih thupui behchhanin Junior category-ah team 3 leh Senior category-ah team 6 te an inel a ni.

He hunah hian Pi Chhuanhlupuii, Addl. DPC & SDEO chuan thu a sawi a, kan hma hun hi science thiamnaah a innghat thui hle a ni, a ti a, vawiina kalkhawm naupangte chu ‘Child Scientist’ an nih angin kan hma huna khawvel a tha zawnga thlak danglamtu an la ni thei a ni, a ti. Pi Chhuanhlupuii chuan mi ram naupangte’na an tih theih hi kan ram naupangte pawhin an ti ve thei a ni tih sawiin zirlai naupangte chu district tihmingthatu ni thei turin an thil tih apiangah theih tawp chhuah turin a fuih nghal a ni.

District Level Children's Science Congress 2024 result chu a hnuaia tarlan ang hi a ni:

Junior category: 

1. Lalmuanpuii & Lalhmangaihsangi Varte, Presbyterian English School, Keifang.  Project- Types of lichens found in Saitual and Keifang village: An exploratory study.

2. Lalbiakhlui & KPC Lalzawmpuii, Oxford English School, Saitual. Project- Study on the effect of junk foods among population in Saitual area.  

3. VL Chhuanawmi Pachuau & Lalngaihzuala, Govt. Rulchawm Middle School. Project- Study on the effect of community involvement on deforestation and afforestation.

Senior category: 

1. Annie Lalremsiami & Laltluangkimi, Buhban RMSA Sec School. Project- Banana as a sustainable Eco friendly material

2. H. Lalhruaizeli & PC Vanlalhmuaka, Govt. Saitual High School. Project- Benkang um- ‘A Traditionally Fermented Soybean’. 

3. Johny Lalrammawia & Joel VL Hriatrenga, Buhban RMSA Sec School. Project- Study on the impacts of African Swine Fever in Buhban village.

National Children Science Congress (NCSC) hi kum 1993 aṭanga hman ṭan niin, National Council for Science & Technology Communication (NCSTC), Dept. of Science & Technology, Govt. of India bultuma he programme hi buatsaih a ni. Zirlai naupangten District leh State level-ah inelna an neih hnuin State tin aiawh tur thlan chhuah ten National level ah inelna an nei leh a, National ah hian Gulf countries te pawh an tel ve ṭhin a ni. NCSC hi India rama zirlai naupangte science project lama inelna upa leh hlun ber a ni.

He District Level Children's Science Congress hi Pu R. Lalhmangaiha. Deputy DPC Samagra Shiksha Saitual District chuan a kai hruai a, kum hmasa lama CSC Saitual achievement report hi Pi K. Lalruatpuii, District Coordinator CSC, Saitual atanga ngaihthlak niin Pi Chhuanhlupuii Addl. DPC & SDEO, Saitual chuan thu a sawi. Pu Zochhuanmawia, Academic Coordinator, CSC Saitual chuan lawmthu sawiin hun a khar a ni.