Vawiin chawhma khan Lunglei DC Pu K. Lalrohlua kaihhruaiin a pisaah Lunglei District Level Road Safety Committee an thukhawm a, Road Safety Week vawi 28-na kharna hun an hmang.

Pu K. Lalrohlua chuan Road Safety Week kharna hun kan hman hi a tawpna a nilo a, a bultanna chauh a ni tiin, kumin chhunga lirthei khalh fimkhur tura kan in hrilhhriat thar lehna hun a ni, a ti. Mizote hi traffic duty emaw a vengtu an awmloh avangin ngaih kan titha mai thin a, hemi kawngah hian kan in zirtir a ngai a ni, a ti a. Mithiamten ngun taka an zir hnua sawrkarin tha a tih a dan a siam te kan zawm tlan hi kan him tlanna a ni, a ti bawk. Lirthei chetsual avanga nunna chan an awm loh nan tan la thar turin member-te a sawm nghal a ni.

Member Secretary Pu Abraham Beirazi Khithie, DTO chuan Road Safety Week 2017 hman dan tlangpui report a pe a. February ni 6, 2017-ah Week hawnna neih a ni a, lirthei 200 chuang check in, mi 26-te dan bawhchhiat avanga man an nih thu a tarlang a ni.

Lirthei Association – Auto Rickshaw, Maxi Cab leh Taxi atangin driver tha, fel, rinawm, hawihhawm leh ruihhlo laka fihlim te thlanchhuah an ni a. Pu Lamkunga (Auto Rickshaw), Pu K. Lalremliana (Maxi Cab) leh Pu C. Lalhmunsiama (Taxi) te hnenah Best Driver Award hlan a ni.

Attachment

  • Loading attachment...