Kawng hrang hrang a District hmasawnna thlithlaitu leh viltu District Development Coordination and Monitoring Committee, Aizawl District (DISHA) kumin atan thutkhawm hmasak ber chu vawiin khan Aijal Club ah Lok Sabha MP Pu CL Ruala kaihhruaina hnuaiah neih a ni a. Pu Ronald Sapa Tlau, MP (RS) leh Aizawl DC Pu Kannan Gopinathan te bakah Pu Lal Thanzara, Health Minister, Col. Z.S. Zuala, Parliamentary Secretary, Pu K. S. Thanga, Parliamentary Secretary, Pu R.L. Pianmawia, Dy. Govt. Chief Whip, Pu Lalhmingthanga, Mayor leh member dangte an tel a ni.

Kum khat ah hetiang meeting hi vawi li tal neih tur a ruahman niin, kumin atana meeting hmasa ber ah member te tha taka anlo kal theih na ah lawmthu sawiin Pu CL Ruala chuan meeting hnuhnung ber 10^th October 2016 a Agenda 19 neih te hmalak tawh dan leh kalpui dan  te chu an sawiho hmasak tur a nih thu a sawi a. Central lama budget neih fel tawh dan leh State budget pawh kumin April thla velah hian neih theih a beisei awm thu a sawi.

Aizawl Bawrhsap Pu Kannan Gopinathan chuan Aizawl District chu ram pum huapa streetlight pe chhuak thra ber “Best Solar Street Light Implementation” a dawn thu leh Corporate Social Responsibility (CSR) hnuaia company pali – Power Grid, ONGC, Oil India Limited leh Canara Bank te atangin Aizawl District hmasawnna atan pawisa dawn a nih thu a sawi bawk.

Department hrang hrang a hmalak tawh dan sawi a ni a. MGNREGA ah Central atangin Rs.5283.095 lakhs hmuh tawh atangin Rs.643.657 lakhs release tawh a niin, state atangin Rs.550.095 lakhs hmuh tawh atangin Rs.6.968 release tawh a ni thung. Block hrang hrang panga ah Rs.611.822 lakhs hi wage component hnuaiah mipui inhlawh nan pek chhuah tawh niin, Rs. 22.778 lakhs chu Material Component atan hman ral tawh a ni a. Hna chi hrang hrang 179 thawh tawh niin heng hna te hi zawh fel tawh an ni a, tun dinhmun ah Job Card nei mi 26,432 an awm mek a ni.

Pradhan Mantri Awas Yojana (Grameen) Scheme hnuaiah Rs.365.04 lakhs sawkar laipui atanga hmuh tawh niin, Rs.52.987 lakhs release tawh a ni a. State atangin Rs. 40.56 lakhs dawn tawh a ni bawk a, Block panga ah tun quarter (October 2016 – February 2017) chhungin in 70 sak tawh a ni.

Pradhan Mantri Gram Sadak Yojana (PMGSY) hnuaiah Aizawl District huam chhungah kawng 45 a hna thawh niin, 591.27 kms sanction tawh a nia, heta tang hian kawng 41 – 553.83 kms thawh zawh tawh a ni. Central atangin Rs. 7466.24 lakhs hmuh tawh atangin Rs. 2823.12 lakhs hmanral tawh niin, State atangin Rs. 314.00 lakhs hmuh tawh a ni bawk.

National Social Assistance Programme hnuaiah Indira Gandhi National Old Age Pension Scheme  atan 9218 beneficiaries an awm a, Indira Gandhi National Widow Pension Scheme –IGNWPS (hmeithai te pension) atan 756 beneficiaries leh Indira Gandhi National Disability Pension Scheme – IGNDPS atan 243 beneficiaries an awm.

Swachh Bharat Mission (Grameen) hnuaiah hian inthiarna hmun sak thin a ni a, target atangin 40% zawh tawh a ni.

Heng bakah hian vawiin atana agenda chhawpchhuah point 27 te sawi ho a ni a. District Development Coordination & Monitoring Committee hi sawrkar laipui hmalakna Central Schemes tha taka kalpuia thlunzawm an nih theih nan July 28, 2016 ah sawrkar laipuiah din a ni.