1510/2023-2024

Lunglei; the 15th August;2023: India ram hmun dang te rualin tukin dar 10:00Am khan Lunglei district chhunga Independence Day vawi 77-na lawmna pui ber chu C.Thuamluaia muala neih a ni a.Hon"ble Minister Pu C.Lalrinsanga chuan khuallian niin, hnam puanzar a pawt pharh a, parade contingent 27 te endikin, hnam puanzar chibai an buk a chhang let bawk.

Khuallian Pu C. Lalrinsanga chuan Independence Day thuchah sawiin, Boruak muanawm tak hnuaia Independence Day lawmna hun kan hman mek hi ram zalen leh state ralmuang kan nih kan sawi fo thin angin, a taka zalenna hlutzia min hriat nawn tirtu lo ni mawlh rawh se.

Kum 3/4 vel kal ta atang khan Mizoram chu harsatna hrang hrang, Covid-19 hripui te, Assam nena ramri buai te, Myanmar, Bangladesh, tin tuna thenawm state Manipura buaina boruak ten min chim a. Mahse kan zam ngai lo.Kan ram hruaitu lu ber te, kan sorkar official te bakah NGOs hrang hrang te kaihhruaina hnuaiah hnam tangrual kan ni mai bakah ,mangan laia tanpui vartu hnai reng Pathian nei hnam kan ni. kan Mizo nuna "sem sem dam dam ei bil thi thi," "Dam leh tlang khatah, thih leh ruam khatah" kan tih te hi kan la nunpui zia a lang chiang hle a ni. Chuvangin eng harsatna pawh hmachhawn ila, zam lovin kan pal tlang leh mai thin a ni.Kan thenawm state Manipur buaina avanga kan zo hnathlak unaute tawrhna te kan tuarpuiin kan lainat tak zet a.An tan theitawpin ke kan pen ve zel a ni.Kan thenawm ram Bangladesh leh Manipur state buaina avanga kan zohnathlak te tan hma kan lak mek lai hian Democracy rama cheng leh state ralmuanga khawsak hlutzia hi min hriat nawn tir fo se tih ka duh a. Chuvangin vawiin atangin India khua leh tui tha ni chhunzawm zel tur leh India ram inpumkhatna vawng nung zel turin mitin i inhlan thar leh theuh ang u, tiin Lunglei district mipui te a sawm a ni. Pu C. Lalrinsanga chuan Manipura kan unau Zohnathlak te thlavang hauha Parliament House a huaisen taka auchhuak ngam Pu K.Vanlalvena, Rajya Sabha MP chhuanawm a tih thu pawh a tarlang bawk a ni.

Minister chuan Lunglei district hmasawn nana kawng hrang hranga thawktu zawng zawng te duhsakna leh zahna chibai bukinkum 2022-2023 chhunga Department hrang hrang kaltlanga sawrkarin Lunglei district hmasawn nana a hmalakna hrang hrang langsar zualte a tarlang a. Chung Department hrang hrang hnuaia hmalakna te chu a  full speech link

dipr.mizoram.gov.in/post/india-independence-champha-vawi-76-na-pu-clalrinsanga-honourable-minister-government-of-mizoram-thusawi-lunglei-district-15th August, 2023-ah hian a en thei ang.

Vawiin C.Thuamluaia Muala Indian Independence Day vawi-77 na lawmnaah hian parade contigents- 27 awmin, Armed Contigents--4,Unarmed contigent---7, School contigent--13 leh Band Party-3 te an ni.

Kumin Independence Day lawmna programme-ah hian kawng hrang hranga National leh State Level-a Lunglei district atanga Award dawngte chawimawina hlan an ni a. Chung te chu:-

1)HS.Lalawmpuii,VCP Sairep (Water Warrior Award under Ministry of Jal Shakti)
2)Fire & Emergency Services,Lunglei (Subhash Chandra Bose Aapda Prabhandan Puraksar Award,2023)
3)Police Station Lunglei(Best Police Station of Mizoram)
4)Lianzuala Chhangte,Zohnuai Lunglei(All Indian Football Federation,Men's Footballer of the year 2022-2023)

Heng bakah hian India ram in Zalenna a hmuh atanga kum 75 lawmna[Azadi Ka Amrit Mahotsav(AKAM)] puala hmalakna hrang hrang kum 2021 atang khan a lo kalpui tawh a. AKAM hnuaia hmalakna pakhat chu district tina Mission Amrit Sarovar hnuaia Dil 75 siam a ni.Lunglei district hnuaiah hian Mission Amrit Sarovar hnuaia Sarovar(Dil) 75 siam a ni bakah additional 25 siam belhin, a vaiin dil 100 lai siam a ni.

MGNREGA hnuaia atanga Amrit Sarovar mission hnuaia dil siam tha ber Village Employment Council(VEC) 3 thlanchhuah te hnenah chawimawina certificate hlan an ni. Chungte chu:-

1st--VEC,Buarpui, Bunghmun RD Block
2nd--VEC,Lunglawn , Lunglei RD Block
3rd--VEC,Tlabung,Lungsen RD Block te an ni.

Independence Day vawi-77 lawmna puala Infiamna hrang hrang Shooting, Table Tennis, Draughts leh Carrom competition buatsaih a lawmman dawng tute hnenah pawh lawmman semna hun hman a ni a. Independence Day Football Tournament Final Zotlang FC leh SYS Academy ten an khel bawk. Heng bakah hian vawiin Independence Day lawmna pualin Mizoram Gorkha Youths Association, Mizoram Chakma Students Union Lunglei leh Lunglei Government College's Cultural Club ten cultural dance an entir bawk.

Kumin Independence Day vawi-77na lawmnaa parade contigent lawmman dawngtu te chu:-

UNARMED Contingents:

1st----Air Wing, Baptish Higher Secondary School.
2nd---NCC, Lunglei Govt. College.
3rd---Scout & Guide, Sacred Heart School.

SCHOOL contingents:-

1st--- Govt. JNM, School, Electrict Veng.
2nd---2Bn. MAP English Medium School, Luangmual, Lunglei
3rd--- Sacred Heart School te an ni.

District Level Award to Meritorious and Outstanding Teacher 2023 chu Pi ZD. Lalramliani, Teacher, Govt. Leitlangpui High School hnenah hlan a ni. 3Bn. Naga Hill Assam Rifle ten rualbanlo mi 14 te hnenah Wheelchair, Worker, Crutch an sem bawk.Vawiinah hian Lunglei SP Pu Rahul Alwal IPS chuan Sub.Inspector Lalnuntluanga'n Union Home Minister Medal for Excellency in Investigation lawmman a dawn thu a puang bawk.

 'At Home' hi Lunglei District bawrhsap huaihawtin DC Bungalow's Lawn-ah dar 1:00Pm  khan neih a ni.