2281/2022-2023
Lunglei the 12th October, 2022 - Lunglei District-a Right to Information (RTI) Act, 2005 chungchanga awareness campaign neih mek kal zelah vawiin khan Lungleiah RTI chungchang inzirtirna lemchan (Street play) neih a ni.

Street play hi Lunglei khawpui chhunga hmun lun lai pahnih – Sobji Bazar leh Lunglei DC office tualzawlah te neih a ni.

Lunglei District mipuiten Right to Information Act, 2005 anlo hman tangkai theihnan leh a khawihtu official-ten an mawhphurna te chiang zawka an hriat theihnan Awareness Campaign ngawrh taka neih chhoh mek a ni a. September ni 22, 2022 khan Pu Lalnunmawia Chuaungo, IAS (Rtd) Chief Information Commissioner, Mizoram Information Commission hovin Convention Centre, Lunglei ah District Level Training On RTI Act, 2005 neih niin October ni 7, 2022 khan RTI Week 2022 hawnna hun hman niin sawrkar official-te, tlawmngai pawl te leh khawtlang hruaitute nen zirhona hun hman a ni.

District Level Training On RTI Act, 2005 leh Street Play on RTI Act te hi Lunglei Deputy Commissioner Office leh Administrative Training Institute (ATI), Aizawl te tangkawp buatsaih a ni.