2282/2022-2023
Dated Serchhip, the 12th October, 2022: Vawiin khan Serchhip DC Meeting Hall ah Pi Nazuk Kumar, IAS, bawrhsap hovin Poshan Abhiyan hmalaknaa department dangte nena thawhhona chungchang leh PMMVY kalpui mekte thlir hona meeting buatsaih a ni.

He meeting ah hian Anganwadi Centre, tui connection la nei lote, Electric Connection la nei lote leh LPG Connection la nei lote chungchang leh Nutri- Garden la nei lo Centre te hmalakpui dan turte sawiho a ni a. Nu leh naupang Adhaar Card la nei lo leh Adhaar leh an Bank Account la thlunzawm lote tan, a bika E. Lungdar ICDS Project huam chhung khaw 11 a Anganwadi Centres 48 huama Bank Account Opening & Adhaar Generation Camp neih dan turte pawh ruahman a ni.

He hunah hian PMMVY 1.0 kalphung leh PMMVY 2.0 a kalphung inthlak danglam awmte inhrilhhriatna te, PMMVY hmalakna kalpui meka District dinhmun te, Severe Acute Malnutrition hmalaknate thlir ho a ni a. Severe Acute Malnutrition hi case 16 hmuh chhuah niin an zinga case 10 hi dinhmun pangaiah hlankai tawh an ni a, naupang dang parukte hi uluk taka la vil zui mek an ni.

Vawiin meeting ah hian Pi Laldinpuii, CDPO, E. Lungdar Project, Pi F. Hmingthankimi, District Co-ordinator, PMMVY, Pu James Lalremliana, District Co-ordinator, Poshan Abhiyan leh line department aiawhte an tel a ni.