1517/2026-2027

Lunglei, 2026 Vawkhniahzawn thla ni 24: Vawiin khan Lunglei SP Conference Hall-ah Lunglei District Court-a sawrkar ukil – Public Prosecutor (PP) leh Assistant Public Prosecutor (APP)-te leh Lunglei Police Station-a hnu chhuitu – Case Investigating Officer (Case I/O)-te chuan inkawm hona (joint meeting) hun an hmang.

He hun hi Lunglei District Additional Superintendent of Police Pi Sarah Lalrinkimi chuan kaihruaiin, Public Prosecutor, Assistant Public Prosecutor leh Police Case I/O mi 20 chuang an tel a. Dan bawhchhiatna a lo thlena hnu chhuina (case investigation) kalpui chungchanga hriat tur pawimawh leh zawm tur hrang hrang te zir ho niin, hnu chhuina kawnga fimkhur leh ṭan lak ngaihna laite sawi ho a ni.