12/2024-2025 

LUNGLEI; the 2^nd  April, 2024: Vawiin chawhma dar 11:00 khan DC Conference Hall-ah Kan hma lawka Lok Sabha Inthlanpui lo awm tur atana inbuatsaihna kal zelah, Sector Officer ruat thar mi 8 te tan training buatsaih a ni. Lok Sabha inthlanpui atan hian Sector Officer 28 appoint an ni a, chung mi 28 te chu  March ni 12 khan Training pek an lo ni tawh a. Sector officer ten hneh leh zuala Law & Order an kenkawh bakah Poll Day-a EVM chhe palh a lo awm thuta Polling Station te an vil zung zung theih nan Sector 28 chu tawk lo deuhva hriatna  a awm a vangin Sector Officer 8 ruatbelh an ni ta a ni. Tichuan Lok Sabha Inthlanpuiah Lunglei District chu Sector  36 a then sawmin, chung sector tin te chu Sector Officer pakhat leh Sector Police Officer  pakhat zelin an vil dawn a ni. Hei hian Polling station tin chu Sector Officer te tan rang taka thlen zung zung a tih awlsam phah dawn a ni.

Vawiin training-ah hian Lok Sabha inthlanna muanawm leh felfai tak neih a nih theih nan Sector Officer te mawhphurhna hrang hrang leh an tihtur leh tih loh turte zirtirna pek an nih bakah EVM chungchangah pawh zirtirna pek nghal an ni.

Pu Beithlotha Nohro, DTO &DLAO leh State Level Master Trainer ni bawk chuan resource person niin training hi a pe a ni.