518/2022-2023

Lunglei the 18th, May' 2022: Vawiin khan Agriculture Conference Hall Lungleiah ni hnih chhung awh tur Skill Training of Rural Youth ( STRY) Training Programme on Vermi Composing (Changpat hmang a leitha siam dan) chu Lunglei MJA President Pu Laltlanthanga'n a hawng.

Training hawnna inkhawm hi Dr. V. Zodinsanga, Project Director, Agriculture Technology Management Agency (ATMA) Lunglei in kaihruaiin MJA President Pu Laltlanthanga chuan ATMA Lunglei buatsaiha training pawimawh tak neih a ni chu lawmawm a tih thu sawiin nitin a kan mamawh thlai hring lamah intodelh theihna tur atana pawimawh tak Changpat hmang leitha siam dan training buatsaih a ni chu trainees te pawh in hlawkpui ngei se a duh thu a sawi.Thlai tharlam leh hrisel zawk kan ei theih nana mithiam zawk ten an thiamna hmanga kuthnathawktute zirtirna an pek  thin hi a tul a ni  tih sawi  bawkin leitha chi hrang hrang rampawn atangin kan lalut a, anih dan tur ang taka kan hman loh avang leh chemical anih angin thlai leh mihring ten kan tuar a, Mizo in leitha pangngaia an thar nen chuan a danglam hle a ni a ti. Changpat hmanga leitha siam chu chemical tello a nih avang leh siam harsa lo tak a nih avangin thlai leh mihring tan a hrisel hle a, rampawn atanga leitha hmang tlem a Changpat hmanga leitha siam hman uar zel a pawimawh tih kuthnathawktuten hria se a duh thu  leh intodelh nan leh ram leh hnam humhalhna atan pawh thil pawimawh tak a ni a ti. MJA President chuan chemical tel leitha kan hman nasat avangin mihring taksa ah natna chi hrang hrang kan nei phah a ni tiin organic leitha hman uar zel a pawimawh thu leh chu lamah chuan sawrkar pawhin hmalak mek thu sawiin kuthnathawhtute  pawk in organic leitha hman uar deuh deuh turin a sawm bawk a ni.

 Directorate of Agriculture Department atangin District hrang hranga ATMA ten changpat hmanga leitha siam dan training buatsaih  tura  tih angin Mizoram hmun hrang hrangah ATMA emaw KVK kaltlangin buaisaih a ni a, Changpat hmanga leitha chi hrang hrang siam dan awm mahse tualchhunga ataka hman tangkai theih nghal mai tur siamdan training ah hian zirtir a ni.

Training ah hian Pu John Laltluangliana, Deputy Project Director, ATMA Lunglei leh Pu C. Lalremruata, Block Technology Manager, Bunghmun Block, ATMA  ten changpat leitha siam dan an zirtir a. Trainees te hnenah Vermi Bed leh Certificate training hawngtu Pu Laltlanthanga hian a hlan a ni.