No.4000/2021-2022

Aizawl the 15th, February 2022:  Vawiin chawhnu khan Chanmari Hall, Lunglei ah Development Commissioner for Handloom,  Ministry of Textiles, Govt. of India bultuma  Mizoram Apex Handloom & Handicraft Cooperative Society Ltd ( MAHCO) buatsaihin Lunglei Special Handloom Expo  ni 15th -28th, February,2022 chhunga neihtur chu  Pu Lalrinsanga, MSCS, Registrar, Mizoram State Cooperative Societies in khuallian niin a hawng.

Lunglei Special Handloom Expo hawnna inkhawm hi Pu Robuanga Managing Director, MAHCO in a kaihruaia, Pu Lalrinsanga  chuan Handloom buaipuitute chu Industries leh Cooperation Department register nei an ni tiin, tunhma deuh chuan hamthatna tha zawkte a awm thin laiin tunhnuah erawh a awm mumal ta meuhlo a ti a, sawrkar atanga engmah hamthatna hmuh tur awm lo chunga an la kalpui hram hram chu fakawm a tih thu a sawi. Handloom lama  kan kutchhuak ah hian in anglo tak tak a awm a, a quality lamah hmasawn tura tan lak zel a pawimawh hle tiin, daihrei leh tlo tur kan ngaihtuah angai a ni a ti. Handloom lam mai bakah Handicraft lamah nasa zawka tan kan lak zel angai ti bawkin kan eizawnna kawngah hian Deparment nena thawhhona te kan neih avangin langtlang taka thil kan tihngam a tul hle a ni  a ti bawk.

 Society te hian Industry leh Cooperative Society a kan in register na hi kan ngaipawimawh tur a ni a, kan industry ah hmuh theihin kan tarlang tur a ni tiin  Societies te hian Management leh dan te kan zawm tur a ni a, he Special Expo a an kutchhuak phochhuaktu zawng zawngte duhsakna a hlan a ni.

Lunglei Special Handloom  Expo, Chanmari Hall a neihah hian Stall 20 awmin Mizo kutchhuak thawmhnaw chi hrang hrang bakah ipte leh bag chi hrang hrang man tlawm zawka lei theihin pholan a ni a, hei bakah hian Mizoram State Legal Services Authority leh Lunglei Legal Services Authority te buatsaihin dan leh hrai lam inhrilhhriatna a duh leh mamawh apiang te pan thei turin hawn a ni bawk, dan leh hrai hriat zauna lehkhabu te a thlawnin sem nghal a ni.