2784/2022-2023
Lunglei the 24th November, 2022 - Vawiin khan Lunglei District Election Officer buatsaihin Special Summary Revision 2023 Street Campaign neih a ni. Street Campaign hi Pu H. Lalramenga, SDC Lunglei leh election thawktu dangten kalpuiin Lunglei khawpui chhung hmun lun lai - Serkawn Hospital bul, Kikawn Bazar, Bazar Veng, AOC ah te leh 3 Gate-te an tuam chhuak a ni.

Special Summary Revision Street Campaign ah hian mipui te tana hriattur thil pawimawh tak tak puan niin Electoral roll a hming ziah luh, insawn, hming paih leh siam that ngai siam that hun hawn mek a nih thu puanzar a ni a. Kum tling tharte tan electoral roll-a inziahluhna hun hawn mek anih bakah kum 18 tling tawh roll a la chuang lo te tan pawh in ziah luhna hun hawn mek a ni bawk a ni. Kum 2023 October ni 1 thleng a kum 18 tling tur te tan roll a in ziah luh hi a dil lawk theih a ni.

Mahni awmna veng Booth Level Officer (BLO) kaltlanga a dil theih bakah Voter Helpline App atang pawhin mahniin a dil theih bawk a. Dilna theh luh hun chhung hi December ni 8, 2022 thleng hun hawn a nih dawn avangin  hun tawp hma a tam thei ang ber roll a in ziaklut turin mipuite an ngen a ni.