204/2022-2023
Lunglei the 20th, April, 2022 : Vawiin khan Lunglei Bawrhsap Pu Kulothungan A, IAS kaihhruaiin DC's Conference Hall ah Special Task Force for Elimination of Single Use Plastics chungchang ngaihtuahin meeting neih a ni.

Pu Kulothungan A Mizoram Sawrkar in Plastice paih mai chi hman loh a lo rel tawh angin Lunglei ah pawh khawpui chhung a lo fai zawk nan leh boruak thianghlim kan neih theih nan plastics paih mai chi hman loh a ngaih thu a sawi a, hemi tireh tur hian Sawrkar Department hrang hrang, NGO's, Zirna In leh Plastic hmangtute thawhho a ngaih thu a sawi a.

Plastics hman zawh paih mai chi tireh anih theih nan hmalak dan tur hrang hrang sawi ho a ni a, sawrkar office a hman loh te, mipui ah chanchinbu, Electronic media leh Social media hmanga zirtirna tam zawk pek chhuah te, hemi chung changa hmalatu pawl din te, dawr leh bazarna hmun a endikna neih te leh District Administration atanga Palstic paih mai chi hmang lo tura hriattirna tichhuah te rel a ni.

Meeting ah hian PHED, DRDA, Sate Tax, DFO, UD&PA, DLAO leh DIC bakah I&PR Department te an tel a ni.