Mizo thalai tam zawk ten mahni kutkawih ngeia eizawnna kawng an dap theihna tura sawrkar hmalakna “Start Up India, Mizoram Yatra” chu 25th February 2019 atanga 5th March 2019 thleng hian Mizoram hmun hrang hrangah kalpui a ni a. He hmalakna hnuaiah hian vawiin nileng khan Lunglei Government College (LGC) RUSA Hall-ah entrepreneurship chungchang zirhona leh intihsiakna hlawhtling taka neih a ni. He hunah hian entrepreneurship lama tuimi te leh Lunglei khawpui chhunga college zirlai thahnem tak an kalkhawm.

Vawiin program hi Pu Lalduhawma, Associate Professor, LGC in kaihruaiin Start Up India atangin Mr Aakarshan Sethi–in zirlai kalkhawmte entrepreneurship chungchang zirtirna pein ram hmasawnna chak taka kalpui tur chuan mahni kut ke ngeia eizawnna dap thiam entrepreneurs thahnem tak neih a tul thu te sawiho a ni a.

Hemi hnu ah hian intihsiakna neih niin entrepreneur nih tum Contestant-te chu tehfung hrang hrang hmangin Jury Member pathum – Pi Agnes L Khawlhring, Associate Professor LGC, Pi C. Lalremruati, DIPRO Lunglei leh Pu Ramnundanga, HATIM ten an lo endik a. He intihsiaknaa ti tha mi pasarih (7) te chu 5th March 2019-a Aizawla Grand Finale a tel tura thlanchhuah an ni.

1.      David K Zodinpuia, Thaizawl – Poultry Feed Manufacturing

2.      Ramdinmawia, Haulawng – Fertilizer  Manufacturing

3.      K. Lalrinawma, Venglai Lunglei – Mechanized Brick Making

4.      Zochansangi, Rahsiveng, Lunglei – Food Processing

5.      V Rokhawlkima, Ramthar, Lunglei – Memento & Souvenirs

6.      R. Lalhmunmawiia, Zobawk – Food Processing

7.      KC Lalhmingmawia, Chanmari – Mechanized Charcoal

“Start Up India, Mizoram Yatra” hi Department of Industrial Policy & Promotion, Government of India leh Mizoram Sawrkar tangkawp buatsaih niin a tum ber chu entrepreneurship lama awareness pek leh zirlai, hetiang lama tui mi te competition hmang a hmasawn thei tur a chherchhuah a ni a. Category hrang hrangah a hnuaia tarlan ang hian Award siam a ni:

 (1) Start Up Hero of the State (Rs 1 lakh);

(2) Most Innovative Idea – Agriculture (1st Rs 70000, 2nd Rs 50000, 3rd Rs 30000);

(3) Most Innovative Idea – Technology (1st Rs 70000, 2nd Rs 50000, 3rd Rs 30000);

4) Most Innovative Idea – Social (1st Rs 70000, 2nd Rs 50000, 3rd Rs 30000);

(5) Top Women Entrepreneur (1st Rs 70000, 2nd Rs 50000, 3rd Rs 30000)

Attachment

  • Loading attachment...