3739/2022-2023

Lunglei the 2^nd March, 2023 – Vawiin chawhnu khan Lunglei DC Conference Hall-ah State Election Commissioner Pu Laima Chozah, IAS (Rtd) hovin Lunglei Municipal Council inthlan neih tur chungchangah Press Meet neih a ni. Lunglei Municipal Council (LMC) inthlan ni 29.03.2023 (Nilaini) State Election Commissioner hian he Press Meet-ah hiana puang a ni.

State Election Commissioner Pu Laima Chozah, IAS (Rtd) chuan kan hma lawka lo awm tur LMC inthlan chu dik leh felfai taka kalpui anih theihnan media mite chu mipuite hriat tul te thahnemngai taka lo puangzar a, mipuite zirtirtu lo ni turin a sawm a ni.

Constitution of India – Article 243K leh 243ZA in thuneihna a pek dungzuia Section 346(1) of the Mizoram Municipalities Act 2007, as amended-in mawhphurna a pek angin State Election Commission chuan Mizoram Sawrkar rawn chungin 1^st General Election to Lunglei Municipal Council, 2023 chu March ni 29, 2023 (Nilaini) hian a buatsaih dawn a ni. Lunglei Municipal Council Inthlanpui-ah hian Constituency 11 awmin kum 5 term atan Councillor turte hi thlan an ni ang.

Deputy Commissioner, Lunglei Pi Ramdinliani, IAS chu District Municipal Election Officer atan ruat a ni. Sub Section (i) of Section 37 of the Mizoram Municipalities Act, 2007 as amended-in a sawi angin LMC Election ah hian Electronic Voting Machine hman tur a ni a. He election-ah hian Polling Station 44 ah vote thlak tura ruahman a ni.

Party worker te inkara boruak thalo awm thei pumpelh nan Polling Station bulah Political party-te leh candidate te awm khawm nan Commom Election Camp pakhat chauh siam phal a ni a,he camp hi mawlmang thei ang bera siam ani ang.

State Election Commissioner Pu Laima Chozah, IAS (Rtd) chuan March ni 3, 2023 atangin Lunglei Municipality chhungah Model Code of Conduct hman tan anih tur thu a puang a. He Model Code of Conduct hian Political Party zawng zawng-te, Contesting Candidate zawng zawngte, Minister-te, MLA-te leh Lunglei Municipal Council inthlannaa inhnamhnawih Public Servant-te a huam ang.

1st GENERAL ELECTION TO LUNGLEI MUNICIPAL COUNCIL, 2023 Schedule chu a hnuaia tarlan ang a ni:

Press meet-ah hian Lunglei DC & DEO Pi Ramdinliani, Lunglei SP Pu Rahul Alwal, SEC Deputy Secretary Pu R. Vanrengpuia leh official dangte leh Lunglei MJA member-te an tel a ni.