47/2024-2025 

LUNGLEI; the 4^th April, 2024: Vawiin chawhma dar 11:00 khan  DC Conference Hall-ah SVEEP (Systematic Voters’ Education and Electoral Participation) Core committee chuan Lunglei District SVEEP hnuaia hmalakna hrang hrang kalpui dan tur  relin an thu khawm a, Pi Ramdinliani, District Election Officer leh bawrhsap nibawk chuan meeting hi kaihruaiin, SVEEP Nodal Officer Pi Malsawmhriatzuali, SDC in SVEEP hnuaia hmalakna hrang hrang kalpui tawhte leh kalpui mek chungchang report a pe.

Vawiin meeting-ah hian SVEEP Wall painting/Mural painting Competition buatsaih dan tur te, College zirlai te tan SVEEP Poetry Reading and Elocution competition buatsaih dan tur te leh Lunglei Government College in tahrik ni 16^th &17^th April, 2024 a carnival an hman huna SVEEP activities hrang hrang kalpui dan tur te rel niin, heng hmalakna tur hrang hranga buaipuitu tur pawh meeting hian ruat nghal a ni.

Nikum MLA Inthlanpuiah khan District danga an tih ve miah loh Lunglei District SVEEP  team te hmalakna pakhat  senior citizen ten an hlut em em chu: Kum 80 chin chunglam Home Voting Facility hmang lova, Polling station-a vote thlak hram hram te hnenah Certificate leh Memento (Nopui) pek vek an ni. Kumin Lok Sabha inthlanpuiah pawh hei hi kalpui chhunzawm leh tum a ni.