48/2024-2025 

LUNGLEI; the 4^rd April, 2024:  Election Commission of India (ECI)-in MP( Lok Sabha) Inthlanpui, 2024 lo awm tura vote thlak tura polling station pan thei lo - kum 85 chung lam (senior citizen), Covid-19 vei mek te leh vohbik (person with disability - PwD)-te tana postal ballot hmanga mahni in chhung luma vote thlak theih dan (home voting) a ruahman angin Lunglei District chhungah vawiin aṭang khan postal ballot hmangin vote an thlak ṭan a ni a. Lunglei District chu Lok Sabha 2024 Inthlanpuia Home Voting kalpui hmasa ber District a ni.  Vawiinah Zobawk, Rahsi Veng, Rualalung, Buarpui-ah te Home Voting hi kalpui a ni.

Senior Citizen leh PwD- te tan Home Voting dilna hi Form 12D hmangin BLO te kaltlangin dawn a ni a. Home Voting dilna hi 25th March 2024 thleng hun hawn a ni. Hemi hunchhung hian dilna mi 55 hnen atangin a lut a. Dilna lut zawng zawng te uluk takin zirchian an nih hnuah dilnate hi pawm vek a ni. Tichuan, Lunglei District a Home Voting kaltlanga vote thlak turte chu a hnuaia tarlan ang hi a ni.

Home Voting buaipui turin ECI duh dan angin Polling Official 2, Videographer leh Police awmna team 4 din an ni a, heng team te hian 4th April 2024 atangin Lunglei District hmun hrang hrangah Home Voting an kalpui tan a ni.

Home Voting neihna-ah hian BLO ten a tul angin ruahhmanna an lo siampui zel a, Political Party aiawhten an duh chuan 'secrecy of voting' bawhchhe si lovin an lo thlir (observe) phalsak an ni. Home Voting kalpui chhung hian uluk takin Videographer ten 'secrecy of voting' bawhchhe si lovin an lo 'record' vek a ni. Home voting hi 10th April 2024 thlengin neih tur a ruahhman a ni.